Repsol YPF

Montmeló é un dos mellores circuítos do calendario de MotoGP. O gran ambiente que se vive nas súas bancadas complétase cun trazado moi técnico cheo de contrastes que esixen o máximo da moto e do piloto. A pesar da súa curta historia -estreouse no campionato en 1992-, esta pista converteuse xa nun clásico do Mundial e está considerado un dos trazados mellor deseñados da última xeración.

O circuíto catalán, situado a 20 quilómetros de Barcelona, celebrou o seu primeiro Gran Premio de Motociclismo en maio de 1992 e desde entón foi un fixo do calendario de MotoGP. Ademais, neste tempo recibiu en dúas ocasións (en 2001 e en 2006), o prestixioso trofeo ao Mellor Gran Premio que concede anualmente a IRTA.

Unha das características deste trazado é o gran ambiente que se crea nel. España é o país onde con máis paixón se vive este deporte e Montmeló non ía ser a excepción. Con capacidade para 104.000 espectadores, o público arroupa a todos os pilotos e as bancadas mostran un colorido especial, que fai que a todos lles gustes correr aquí, pero en especial aos pilotos españois, que se atopan ante a súa afección.

No aspecto técnico, esta é unha das pistas máis rápidas do calendario, algo que, sumado ao estado do asfalto, bastante cheo de fochas, obriga a unha condución suave e fluída. Ademais, as características do trazado obrigan ao piloto a permanecer inclinado durante moito tempo sobre o lado dereito dos pneumáticos polo que o agarre do bordo dos mesmos é fundamental aquí, no especial na roda traseira.

Datos do circuíto:
Circuíto de Cataluña
Inauguración: 1991
Lonxitude: 4.727 m
Ancho: 12 m
Curvas esquerda: 5
Curvas dereita: 8
Recta máis longa: 1.047 m

> Especial Montmeló ‘08

Participa no Desafío Repsol!

• Volta virtual con Dani a Montmeló
• Dani Pedrosa escribe no seu Blog sobre o GP de Cataluña
• Os segredos do box, no blog dos mecánicos do Repsol Honda Team
• Todos os datos estatísticos, no Buscador máis completo de Internet