Repsol YPF
Ruta
Maverick Viñales, novo piloto Repsol
Maverick Viñales e Repsol unen os seus camiños en 2012. O mellor debutante de 2011 afrontará a nova tempada en Moto3 defendendo as cores da compañía enerxética española. O piloto de Roses (Girona), de 17 anos de idade, incorporouse ao selecto grupo de pilotos patrocinados pola compañía enerxética no Mundial de Motociclismo.
Coa incorporación do piloto revelación da tempada pasada, Repsol completa un equipo de fantasía, integrado por Casey Stoner, Dani Pedrosa (MotoGP), Marc Márquez (Moto2), Maverick Viñales, Miguel Oliveira e Álex Rins (Moto3), e consolida a súa presenza nas tres categorías do Mundial de Motociclismo.
Malia a súa mocidade, Viñales xa tivo tempo de demostrar o seu talento tanto a nivel nacional como internacional. En 2009 iniciou a súa andaina no Campionato de España de Velocidade (CEV), competición na que finalizou segundo na xeral por apenas 4 puntos. En 2010, Viñales conseguiu alzarse co título de 125cc do CEV e o Campionato de Europa.
Un ano máis tarde, no seu debut mundialista, brillou con luz propia nunha tempada na que acabou terceiro na xeral tras conseguir subir ao podio en 9 ocasións, 4 delas en primeira posición. Uns rexistros que o levaron en 2011 a ser elixido polo resto dos seus compañeiros de categoría como rookie do ano.
En 2012, Maverick Viñales afronta a estrea da nova categoría de Moto3, onde coincidirá cos tamén pilotos Repsol Miguel Anxo Oliveira e Álex Rins. O acordo entre Avintia Competición e Repsol, polo cal Viñales contará co apoio da compañía enerxética, esténdese ata finais de 2012.
Repsol, que está presente na alta competición desde hai máis de 40 anos, é un dos patrocinadores de referencia no Campionato do Mundo de Motociclismo e encara a tempada 2012 con aspiracións de gañar en todas as categorías.
Maverick Viñales
“Faime moita ilusión defender esta tempada as cores dun patrocinador como Repsol, xa que falar de Repsol é falar dunha gran historia de triunfos no Mundial de Motociclismo. Moitos pilotos moi bos levaron estas cores e agora eu pasarei a formar parte deste grupo. Actualmente, os tres principais pilotos patrocinados por Repsol, Casey Stoner, Dani Pedrosa e Marc Márquez, son Campións do Mundo, e ese é sen dúbida o noso obxectivo agora para este 2012. Só espero seguir a senda que outros pilotos Repsol marcaron no Mundial de Motociclismo e lograr moitos triunfos. Agora toca centrarse nestes días de adestramentos en Valencia. Chegaron moitas melloras para a nosa moto que agora temos que probar a conciencia”.
08/02/2012
Últimas noticias
> Stoner: "É crucial que Honda e Repsol traballen xuntos para obter as mesmas prestacións con menor consumo"
> Pedrosa: “Coas motos desta tempada podes frear máis tarde e ir máis rápido nas curvas”
Nota informativa: Tradución do orixinal en castelán. No caso de calquera discrepancia, prevalecerá a versión en castelán.