Repsol YPF

As boas sensacións de Marc Márquez durante os últimos dous días no Circuíto da Comunidade Valenciana Ricardo Tormo, son a positiva bagaxe dos primeiros adestramentos oficiais que os pilotos do oitavo de litro realizaron esta tempada. Co asfalto totalmente mollado e unha persistente choiva aumentando, a precaución ditou dar por concluída a actividade no circuíto valenciano e Márquez non volverá pórse a funda até o vindeiro sábado no Circuíto de Xerez.

Autor onte do mellor tempo absoluto destes adestramentos, Marc Márquez e o seu equipo deron por bo o traballo de posta a punto realizado o luns e martes. Por precaución decidiron suspender as probas que tiñan previstas para hoxe, debido ao escaso agarre que ofrecía o asfalto do Circuíto da Comunidade Valenciana. A choiva non aconsellaba asumir demasiados riscos e ante a inminencia do arranque da tempada, o piloto Repsol decidiu pór rumbo ao sur da península. Serán tres días de probas no Circuíto de Xerez, trazado que acollerá ademais outros tres días de adestramentos a finais deste mes de marzo, do 27 ao 29, que porán punto final á pretempada 2010.

04/03/2010

Últimas noticias

> Mellor tempo para Marc Márquez na segunda xornada de adestramentos en Valencia
> Positivo arranque de Marc Márquez en Valencia