Repsol YPF
Ruta
Julián Simón partirá terceiro en Cheste
O piloto de Repsol, Julián Simón volveu demostrar o salto cualitativo da súa moto sobre o asfalto do circuíto Ricardo Tormo e logrou finalizar en terceira posición. Foi superado na última volta polo actual campión do mundo, Marco Simoncelli, e Alex Debón que finalizou segundo e tamén partirá dende a primeira liña da grella de saída.
As últimas voltas volveron ser decisivas na pelexa por lograr a pole na categoría do cuarto de litro. Durante a sesión, foi Alex Debón o máis rápido marcando os mellores tempos. Coa chegada dos últimos instantes o italiano Marco Simoncelli marcou a súa mellor volta a falta de 30 segundos para acabar a quenda. O piloto de Repsol, Julián Simón, estivo continuamente nos postos altos da clasificación, e cando marchaba terceiro con tempo de pole na última volta, molestouse con Aleix Espargaró e perdeu o tempo que necesitaba para conseguir o primeiro posto. Aínda con estes problemas, Julián Simón sairá dende a primeira liña e con todas as súas opcións intactas para facer podio.
En 125cc, a quenda de clasificación foi dominada polo piloto húngaro, Gabor Talmacsi, que levou a pole con facilidade. Só estivo preto do seu crono, Sergio Gadea que sorprendentemente logrou un segundo posto, loitando ata os últimos instantes pola pole. Terceiro foi Simone Corsi, e cuarto, Nico Terol. O piloto de Repsol, Esteve Rabat finalizou a sesión en duodécima posición, e espera mellorar a súa posición na carreira.
25/10/2008
Últimas noticias
> Primeira liña para Pedrosa e Hayden
> O equipo Repsol Honda pisa forte en Cheste
Nota informativa: Tradución do orixinal en castelán. No caso de calquera discrepancia, prevalecerá a versión en castelán.