Repsol YPF
Ruta
Finaliza unha tempada onde os usuarios foron os protagonistas na Canle de Competición de repsol.com
Co final da tempada 2009 chega o descanso tanto para pilotos e equipo como para os propios afeccionados: todos vós. Foi un ano frenético que nos deu varios títulos mundiais en diferentes disciplinas e, unha vez máis, unha tempada emocionante en MotoGP.
Vaise un ano no que a Canle de Competición de repsol.com fixo un esforzo especial por dar voz ao afeccionado e convertelo nun protagonista máis da tempada. Así, tanto Facebook como Twitter serviron para que todos vós puidésedes facernos chegar as vosas opinións, ideas e suxestións.
Tamén o blog de Dani Pedrosa chegou a altas cotas de participación activa: Máis de 87.000 usuarios apoiástelo incansablemente durante toda a tempada, a través de máis de 9.000 comentarios. O fin de curso serviu, ademais, para que o entrevistedes nun vídeo especial publicado tras o GP da Comunidade Valenciana.
A vosa participación tamén tivo premio: Marián Ortiz foi a afortunada que recibiu en Montmeló, de mans de Pedrosa, a súa funda de competición. E os máis de 23.000 participantes da nova edición do Desafío Repsol repartíronse decenas de premios: unha Honda CBR 1000RR, viaxes, videoconsolas Nintendo Wii, portátiles e moito máis.
O peche dunha tempada tan frenética como esta lévanos a un período de descanso... pero de descanso relativo, porque o parón tras o final do Mundial nos serve para preparar unha Canle de Competición que, en 2010, queremos que sexa aínda máis completa e na que ti poidas ser, mesmo, un pouco máis protagonista.
Nota informativa: Tradución do orixinal en castelán. No caso de calquera discrepancia, prevalecerá a versión en castelán.