Repsol YPF

A carreira de Moto GP foi realmente espectacular, especialmente polo estado da pista, que secou durante a disputa da mesma e obrigou aos pilotos a cambiar de moto. A saída foi moi boa por parte de Dani Pedrosa, que se colocou primeiro aínda que logo tivo problemas, circunstancia que aproveitaron Rossi, Stoner e Lorenzo para pasalo. A partir dese momento a pista secou e a carreira cambiou por completo.

Valentino Rossi foi o primeiro en cambiar a moto para montar pneumáticos de seco. Xusto detrás foi Pedrosa, no que resultou ser unha boa decisión. Rossi foi ao chan nada máis cambiar de moto, e ademais foi penalizado por superar o límite de velocidade no Pit Lane. A partir de aí o piloto catalán tomou precaucións ata que secou a pista. Por diante Dovizioso, Lorenzo e Melandri aguantaban con pneumáticos de mollado. Ao final, todos os pilotos cambiaron de moto e entre os catro primeiros había dous equipos do equipo Repsol, Dovizioso era terceiro e Pedrosa, cuarto. Só Lorenzo e Melandri lograron aproveitar mellor a súa estratexia.

Nunhas últimas voltas de infarto, o interese da carreira centrouse no duelo entro os dous pilotos de equipo Honda Repsol, que mantiveron unha espectacular loita por entrar no podio. Os sete segundos que mantiña o italiano sobre o catalán, quedaron en nada na última volta. A poucas curvas da chegada a meta, un incontestable Dani Pedrosa, culminou a súa remontada pasando a Dovizioso. Unha grande carreira para o equipo Honda Repsol, que demostrou que vai loitar polo Campionato.

17/05/2009

Últimas noticias

> Simoncelli recupera o trono no Grande Premio de Francia
> Julián Simón sobrevive á choiva en Le Mans