Repsol YPF
Ruta
Álvaro Bautista logra a pole en 250cc
Álvaro Bautista fíxose coa pole na categoría de 250cc por diante de Alex Debón, Héctor Barberá e Marco Simoncelli. Héctor Faubel foi sexto mentres que o piloto de Repsol KTM Julián Simón asinou o décimo mellor rexistro e sairá dende a terceira liña. En 125cc Pol Espargaró fíxose coa primeira pole position da súa carreira deportiva. O novo piloto catalán de Derbi volveu ser o máis rápido trala pole provisional conseguida na primeira quenda clasificatoria e partirá por diante de Dei Meglio, Nico Terol e Redding.
Álvaro Bautista fíxose coa pole position no último suspiro da quenda clasificatoria relegando a Alex Debón á segunda praza. Héctor Barberá asinou o terceiro mellor rexistro da sesión e formará por diante de Marco Simoncelli, que pechará unha primeira liña con claro dominio español. Julián Simón, pola súa banda, foi décimo e partirá dende a terceira fila. O piloto de Repsol KTM, que completou un total de dezasete xiros, conseguiu o seu mellor rexistro na décimo quinta volta para colocarse por diante de Roberto Locatelli e Thomas Luthi.
Pol Espargaró demostrou que o rexistro conseguido na primeira quenda clasificatoria non foi froito da casualidade. O de Derbi rebaixou o seu propio tempo en máis de medio segundo confirmando así que se atopa moi cómodo ante o seu público. O francés Dei Meglio foi segundo por diante de Nico Terol e Scott Redding, que pechará a primeira liña. O piloto de Repsol KTM Marc Márquez partirá dende a cuarta fila, mentres que o seu compañeiro de equipo Esteve Rabat continúa ingresado no Hospital Xeral de Catalunya. Rabat xa recuperou o coñecemento e evoluciona favorábelmente da súa caída sufrida na primeira sesión clasificatoria.
¡Participa en el Desafío Repsol!
• Vuelta virtual con Dani a Montmeló
• Pedrosa escribe sobre el GP de Catalunya en su Blog
• Los secretos del box, en el blog de los mecánicos del Repsol Honda Team
• Todos los datos estadísticos, en el Buscador más completo de Internet
• Así está el Mundial
Últimas noticias
> Primeira liña para os pilotos Repsol
> Esteve Rabat recupera o coñecemento e evoluciona favorábelmente
Nota informativa: Tradución do orixinal en castelán. No caso de calquera discrepancia, prevalecerá a versión en castelán.