Repsol YPF
Ruta
Os pilotos Repsol conseguen valiosos puntos en Brno
Gran resultado de conxunto dos pilotos Repsol no circuíto de Brno, onde hoxe se disputou a sexta reunión da tempada do Mundial de Turismos. Tres deles conseguiron subir ao podio nun dos circuítos máis desfavorables para o SEAT León TDI. Unha vez máis, o traballo en equipo deu os seus froitos, e Yvan Muller cun segundo lugar, e Gabriele Tarquini e Tiago Monteiro, con senllos terceiros, deron a SEAT uns puntos vitais para manter o liderado nas clasificacións de pilotos e construtores, que a marca española ocupa desde o principio de tempada.
O piloto Repsol Rickard Rydell puntuou nas dúas carreiras, ao acabar en cuarto e sexto lugar, mentres que Jordi Gené foi de novo vítima dun accidente na primeira curva da manga inaugural. Nese instante, seis coches quedaron fóra de carreira, e iso permitiu a Yvan Muller colocarse en terceira posición. Con todo, o frontal do coche do piloto francés quedara quedado danado, e foi perdendo posicións a favor de Tarquini e Rydell. Pasaron por meta en terceira e cuarta posición, detrás dos dous BMW de Alex Zanardi e Jörg Müller.
Na segunda carreira, Yvan Muller e Tiago Monteiro saíron nos primeiros lugares, e facendo labor de equipo terminaron en segunda e terceira posición, respectivamente, tras o BMW de Sergio Hernández. Tras eles unha pechada loita en pelotón entre Müller, Zanardi, Tarquini e Rydell viu aos dous pilotos Repsol acabar en quinta e sexta posición, sumando tamén importantes puntos para o campionato.
A pesar da evidente desvantaxe técnica do SEAT León TDI no Circuíto de Brno, ao ter limitada a presión do turbo a 2,7 bares, o resultado final foi moi positivo, xa que os pilotos Repsol Yvan Muller e Gabriele Tarquini encabezan o Mundial, e SEAT segue liderando a clasificación de construtores.
A próxima cita do WTCC terá lugar no circuíto urbano da cidade portuguesa de Porto, os días 4 e 5 de Xullo.
22/06/2009
Últimas noticias
> Brno poñerá a proba aos pilotos de SEAT - Repsol
> Os pilotos Repsol conseguen unha espectacular triple vitoria en Cheste
Nota informativa: Tradución do orixinal en castelán. No caso de calquera discrepancia, prevalecerá a versión en castelán.