Repsol YPF

O regreso de Pedro De la Rosa á competición está máis cerca que nunca. A semana pasada ambas as escuadras chegaron a un acordo de colaboración, segundo o cal o equipo indio correrá con motor Mercedes e recibirá tamén a caixa de cambio, o KERS e o sistema hidráulico de McLaren. Desde ese momento, o nome do piloto español como piloto oficial de Force India comezou a coller forza.

De feito, os rumores apuntan a que De la Rosa e Force India asinaron xa un contrato que se fará público nas próximas semanas, e que o español compaxinará co seu traballo como probador en McLaren. Polo de agora, o español vai probar co monopraza do equipo indio en Montmeló. “Estou moi ilusionado, aínda que esta proba non quere dicir nada. O único que quero é rodar e prefiro estar tranquilo, non teño nada que perder", asegurou.

De materializarse este acordo De la Rosa sería, aos seus 37 anos, o piloto máis veterano do persoal. Esta non é a primeira vez que se fala dun posible regreso do español. O ano pasado non chegou a prosperar o proxecto do equipo Prodrive de entrar na grella como equipo cliente de McLaren. Tamén soou como posible compañeiro de Fernando Alonso en McLaren, posto que finalmente ocupou Lewis Hamilton.

18/11/2008

Últimas noticias

> As escuadras prepáranse en Montmeló
> Ferrari traballa xa no novo monopraza