Repsol YPF

O frouxo rendemento que está a ofrecer o vixente campión do Mundo, Kimmi Raikkönen, fixera acrecentar os rumores dunha posible saída do finlandés do equipo, unha vacante que pasaría a ocupar Fernando Alonso. Con todo, Cordero di Montezemolo, o patrón de Ferrari, saíu ao paso dos rumores confirmando tanto a Raikkönen como ao seu compañeiro Felipe Massa como pilotos da escuadra para a próxima tempada. Montezemolo, ademais, tivo palabras de apoio para Raikkonen. “El está motivado e o que temos que facer é traballar para que estea en condicións de ir máis rápido”, afirmou.

Con todo, Alonso seguirá xogando a baza Ferrari e é que o asturiano é consciente de que o contrato de Kimmi Raikkönen expira ao finalizar o próximo ano e que na escuadra italiana poderían estar interesados nel a partir de 2010. Por iso, a principal prioridade do español de cara ao ano que vén é a de correr cun equipo que lle permitise irse no caso de que chegase a ansiada oferta da escuadra vermella.

Todo apunta a que Alonso seguirá en Renault, xa que, tal e como o propio piloto recoñeceu no GP de Valencia, a súa intención é a de quedar na escuadra de Briatore. O piloto español confía en que o equipo sexa capaz de dar un salto de calidade que lle permita mellorar os seus resultados a próxima tempada. No entanto, noivas non lle faltan ao bicampión do Mundo, e é que tanto Honda como BMW se interesaron por el.

02/09/2008

Últimas noticias

> Alonso podería vestir de vermello o ano que vén
> Massa triunfa na primeira carreira en Valencia