Repsol YPF

Esta fórmula, que se aplica con éxito en Madrid, Barcelona e Valencia e da que existen proxectos en Córdoba e Burgos, entre outras cidades españolas, consiste en aparcadoiros automatizados cos que se aforra o espazo ao máximo, xa que onde se colocaría un coche, segundo a distribución dun aparcadoiro convencional, sitúanse tres a diferentes alturas, pero ocupando unha mesma praza das tradicionais. Un robot encárgase de depositar os vehículos nos lugares correspondentes. 

O usuario deixa o coche nunha cabina, tras activar a súa apertura cunha tarxeta chip, unha chave ou un mando a distancia. Descende do vehículo e volve pasar o dispositivo identificador pola pantalla de control para que se peche a porta da cabina. A continuación, un escáner realiza unha lectura rápida dos datos necesarios (medidas do vehículo) e tempo de estacionamento (unha información que facilitará o condutor a través da súa tarxeta), e a partir de aí, ponse en marcha o robot que deposita o coche nun ou outro espazo, en virtude das necesidades apuntadas. Se o usuario vai retirar o coche en breve, a máquina colócao preto da saída. O funcionamento de recollida é parecido ao de entrega: O condutor pasa a tarxeta chip polo mecanismo de control e acto seguido o robot retira o coche do seu punto de estacionamento e trasládao á cabina, unha acción que abre automaticamente a porta da mesma para que o usuario entre nela e se poida levar o coche.

A porcentaxe de risco de que o vehículo quede atrapado no garaxe é practicamente nulo. Aínda que podería ocorrer o que sucedeu nun aparcamento de Nueva Jersey fai un par de anos. Os coches permaneceron encerrados no aparcadoiro porque caducara a licenza do software que controlaba os procesos de xestión. Finalmente, comprobouse que a empresa de informática encargada destes sistemas actuara de mala fe, xa que mantiña unha relación problemática coa compañía propietaria do aparcadoiro. 

Vantaxes

O parecido destes sistemas de almacenaxe cunha lata de conservas é bastante acertado. Non só pola imaxe que proxectan senón polas características de ambos elementos. A lata mantén o alimento en condicións óptimas de consumo durante bastante tempo, a través da incorporación dunha serie de ingredientes que facilitan a perfecta conservación do produto. No interior dos aparcadoiros robotizados, os vehículos están protexidos por unha “atmosfera” artificial, sen apenas luz  a unha temperatura constante duns 18 graos. Un “microclima” idóneo para os coches, segundo apuntan varios fabricantes que implantaron con éxito algunhas plataformas robotizadas en Madrid e Barcelona. 

Outras vantaxes desta innovadora proposta, ademais de solucionar de forma intelixente o problema do estacionamento nas cidades e de contribuír ao dinamismo da condución nas mesmas (ao proporcionar un lugar a todos eses coches amoreados en dobre fila) son: Aforro de tempo ao usuario na tarefa de estacionar, pois xa non ten que se ocupar de manobrar polos niveis dos garaxes convencionais ata atopar unha praza (a duración deste proceso co aparcadoiro automático non supera os tres minutos); elimínase a entrada de intrusos no garaxe, xa que só accede ao mesmo o persoal de mantemento; evítase a sensación de medo que poida ter o condutor ao deambular polas espazosas e baleiras plantas subterráneas no aparcadoiro tradicional; e redúcense completamente as rozaduras e golpes nos vehículos. 

Se se apunta como desvantaxe a desprotección que puidese sentir o cidadán ao tratar con autómatas, as empresas construtoras subliñan que esa apreciación é errónea, xa que estes sistemas incorporan dispositivos de seguridade e de emerxencia durante as 24 horas. Perante calquera complicación, o usuario pode activar estes botóns de alerta e nun prazo breve, aparecerán os operarios para resolver o problema. Ademais, desde a central de mantemento da empresa, realízanse exames e revisións das estruturas e sistemas de forma regular e preventiva. 

Artigos relacionados

- Instalacións eléctricas en perfecto estado