Repsol YPF

Se este é o teu caso, e vas realizar unha reforma de gran envergadura, debes informar o presidente da comunidade de propietarios do inmoble no que se atopa a túa vivenda, realizando a comunicación por escrito e detallando o alcance das obras, as distintas actuacións e o tempo de execución do proxecto. Coa autorización da túa comunidade de veciños, deberás achegarte á área de urbanismo do concello da túa localidade para solicitar os permisos e licencias municipais pertinentes. 

Non existe unha normativa global en materia de urbanismo, xa que a lexislación é de carácter local, como tampouco son necesarios os permisos e as licencias municipais en todos os casos, pero convén que che informes destas cuestións se tes en mente unha reforma  de gran envergadura. Lembra que as obras no teu fogar non poden afectar á estrutura do edificio, tanto na parte interior como na fachada, que non deben prexudicar a outro veciño e que non poden pór en perigo o inmoble. 

Convén que consultes no concello a normativa vixente con respecto aos actuais criterios de construción establecidos no CTE, que obrigan ao emprego de materiais e elementos non contaminantes e promoven a aposta por sistemas seguros e respectuosos co ambiente. É imprescindible que che informes de todas estas cuestións e que analices a posibilidade de incorporar todo tipo de melloras ecolóxicas así como propostas que faciliten a accesibilidade no teu proxecto. Igualmente, convén que saibas que axudas ofrece o Ministerio de Vivenda para restaurar unha vivenda antiga. 

Conflitos cos veciños  

Aínda que a obtención dos permisos e licencias municipais e a autorización do presidente da comunidade de propietarios, son as cuestións relevantes para efectuar obras no fogar, o respecto polas persoas que viven no noso inmoble é un asunto prioritario que non debes descoidar, pois é moi fácil que xurdan conflitos cos veciños no caso de reformas de gran envergadura.  

Con independencia do que estableza a normativa, sé escrupuloso cos horarios dos traballos que, se ben varían nas distintas comunidades autónomas, en xeral axústanse aos seguintes: días laborables, de 09.00 a 14,00 horas e de 16, 00 a 20,00 horas, e sábados de 10.00 a 14.00 horas. Non empregues a fin de semana para avanzar de forma intensiva porque se prexudicas os dereitos dos teus veciños, estes poden tomar cartas no asunto e iniciar procesos xudiciais, tras empregar outras vías de denuncia alternativas. Pensa que o ruído das obras é moi molesto e ponte no lugar dos demais. 

Igualmente, debes ser escrupuloso coa limpeza das áreas comúns da finca, que seguramente se ensuciarán co movemento dos obreiros e coa entrada e saída de materiais. Para o retiro dos residuos, deberás contratar un contedor (podes consultar este punto no concello). Aconsellámoste que limpes diariamente a zona do inmoble que se vexa prexudicada a causa das obras no teu fogar, e que lles esixas aos obreiros o máximo coidado no traslado dos distintos elementos para que non danen ningún aspecto do inmoble. Fala cos residentes próximos á túa vivenda, pídelles que teñan paciencia e duplica as atencións no caso de que se trate de persoas maiores ou enfermos, colectivos extremadamente sensibles aos ruídos. Non esquezas que os conflitos cos veciños poden ocasionar un desgaste maior que as propias obras. 

Artígos relacionados:

- Constrúe a túa propia vivenda

- O teu piso novo