Repsol YPF

O fígado é o órgano encargado do metabolismo dos alimentos e a depuración das toxinas. Segundo a Asociación Española para o Estudo do Fígado, este executa máis de 500 funcións diferentes das que 22 son vitais para o bo funcionamento do resto de órganos.  Por esta razón, un problema hepático inflúe no conxunto do organismo. As causas máis comúns de enfermidades e afeccións hepáticas son o alcohol, o exceso de medicamentos e unha alimentación inadecuada. A inxestión de alimentos, a cantidade e a dixestión é determinante para o estado de saúde do fígado.

Os alimentos máis axeitados para o bo funcionamento do fígado son, sen dúbida, froitas e verduras. Axudan a protexelo e, en calquera caso, interveñen na rexeneración de células do fígado danadas e na formación de novas células.

Alimentos especialmente beneficiosos

As froitas e verduras crúas ou pouco cocidas contribúen a reforzar, previr e coidar enfermidades hepáticas. Entre a familia de froitas son recomendables as verduras de cor laranxa, amarelo, púrpura e vermello como os cítricos cirolas, cenorias ou berenxenas. Conteñen enzimas vivas, fibra, vitamina C e substancias antibióticas naturais e nutrientes anticanceríxenos. Os espárragos, a sandía ou o brócoli son tamén beneficiosos para estas doenzas. Pola súa parte, o dente de león, as follas verdes de mostaza, o melón amargo e a leituga romana axudan a purificar o fígado. Deste xeito, os alimentos máis aconsellados para protexelo son o allo, as cebolas, o boldo e a cúrcuma.

Desintoxicación do fígado

A desintoxicación do fígado prodúcese en dúas fases distintas: na primeira procura tomar vitaminas, minerais específicos e antioxidantes localizados en gran cantidade de froitas e verduras para eliminar do teu organismo partículas que danan as células do fígado libres que existen no teu organismo. Na segunda fase precisan alimentos ricos en xofre,  como o brócoli, repolo ou as coles de Bruxelas. Deste xeito elimínanse substancias prexudiciais  para o organismo, por medio da urina ou as feces. 

Enfermidades do fígado máis comúns

A mala alimentación cáusalle con frecuencia enfermidades ao fígado. Entre elas, salienta a hepatite. Significa inflamación do fígado e pode vir dada por virus, bacterias, parasitos, radiación, drogas, substancias químicas ou outras toxinas. Distínguese entre hepatite virais A, B e C. Cada unha delas transmítese por vías diferentes e presenta síntomas distintos. A hepatite C e a coinfección do VIH é a máis grave e non existe vacina para previr a enfermidade.

Outra patoloxía de máxima gravidade é a cirrose. É a cicatrización do fígado que impide o seu bo funcionamento. Moitas enfermidades crónicas do fígado desembocan en cirroses. Isto sucede cando o fígado se dana unha e outra vez por beber moito alcohol, usar drogas de recreación, unha hepatite viral crónica, a exposición repetida a substancias químicas tóxicas e o cancro. Moitas enfermidades crónicas do fígado son asociadas coa desnutrición.

En definitiva, unha boa nutrición fundamentada nunha dieta equilibrada con calorías axeitadas, proteínas, graxas, e carbohidratos pode axudar o fígado danado a rexenerar células. De feito, nalgunhas enfermidades do fígado, a nutrición vólvese unha forma esencial de tratamento.

Artigos relacionados:

- Vitaminas para os máis pequenos en outono

- Omega 3, aliado da saúde