Repsol YPF

Se estás pensando en darlle un novo aire á túa casa e non queres desembolsar unha suma importante de diñeiro, unha opción interesante pode ser a decoración con stickers ou vinilos. Permitiranche crear na túa casa o ambiente que máis che guste; desde retro, pop, ata algo máis oriental ou zen. Que son entón os stickers decorativos? Son difíciles de colocar? En que ambiente os podes utilizar? Resolvémosche estas e outras dúbidas.

Os stickers de decoración son simplemente adhesivos de vinilo, que pegados en calquera tipo de parede, fan ás veces dun mural. Esta tendencia decorativa salienta sobre todo porque é útil, práctica, moi fácil de colocar e sobre todo accesible. De feito, podes comprar un sticker para calquera recuncho da túa casa por uns 20 euros aproximadamente. 

Motivos dos stickers

Na actualidade, existe un sticker para cada recuncho da casa. As firmas de decoración ofrecen infinidade de modelos; desde aqueles inspirados na natureza (motivos florais, follas, árbores etc), ata modelos pop, retro, ou dedicados á infancia. Ademais, a gama cromática é tamén moi ampla. Así por exemplo a firma Wall Print ofrece máis de 100 deseños distintos, e incluso, se finalmente te decantases por un deles, pódeno adaptar ás medidas do espazo no que ti o queiras situar. 

Onde o podes colocar?

A versatilidade dos stickers decorativos permite que poidan ser colocados sobre calquera superficie lisa ou con rugosidades leves; paredes, teitos, cristais, espellos, mobles azulexos, ou incluso electrodomésticos e portas. Non obstante, se te decantas por un espazo máis húmido ou con cambios de temperatura (os azulexos dun baño) ou en paredes rugosas (gotelé fino, pintura lavable ou papel pintado), é recomendable que utilicen unha adherencia permanente, xa que é máis forte que a normal. As paredes con pinturas mate tamén poden rexeitar o adhesivo, aínda que non acostuma ser habitual. Ten en conta por outro lado, que a adherencia permanente deixa marcas se o decides despegar. 

Como o colocar?

Antes de colocar un sticker debes asegurarte de que a superficie sobre a que irá, está ben limpa e lisa. Para limpar a parede podes utilizar unha esponxa húmida con auga ou un pano seco sen outros produtos que poidan danar o adhesivo.

Unha vez limpa a parede ou superficie, debes pasar unha espátula con forza sobre todo o adhesivo e  colocalo dado a volta. O seguinte paso é despegar o papel de soporte branco e colocar o adhesivo sobre a superficie. Para expulsar o ar, emprega a espátula sobre o adhesivo, sempre do centro cara abaixo e do centro cara arriba se o sticker é máis ancho que alto; e do centro cara á dereita e do centro cara á esquerda se o sticker é máis alto que ancho. Finalmente, retira con coidado o plástico transparente e si quedasen burbullas de ar, pínchaas cunha agulla

Se ben os deseños poden ser recolocados mentres se están instalando, non é recomendable facelo, posto que se poden engurrar ou estragar. É preferible que antes de os instalar, os pegues con cinta para visualizar correctamente o resultado, e así poder proceder a pegalos, ou se non estás conforme, movelos sen estragalos.

Como despegar os stickers decorativos?

Para despegar un sticker, convén utilizar un obxecto punzante e tratar de despegalo desde unha esquina pouco a pouco. Outro truco para quitalo sen problemas consiste en aplicar laca de pelo sobre o deseño, agardar unha hora aproximadamente e entón, poderás retirar o debuxo con máis facilidade.

Artigos relacionados:

- Colorear el vidrio