Repsol YPF

Son moitos os factores que poden afectar a nosa saúde no interior dun edificio, xa se trate dunha oficina ou do fogar. Se non se dan as condicións axeitadas entón os expertos falan do chamado “síndrome do edificio enfermo”. 

Materiais de construción e saúde

En primeiro lugar haise que fixar nos materiais de construción. Unha elección inadecuada pode resultar prexudicial non só para as persoas que vivan nel senón para o ambiente, por isto o Código Técnico de Edificación aprobado no 2006 establece unha serie de prohibicións (como por exemplo o uso de chumbo nos canos, algo frecuente hai unhas décadas) e pautas a seguir para lograr unha vivenda ecolóxica. A bioconstrución amosa preferencia polos materiais biodegradables (como a madeira) ou reciclables (caso do aluminio) así como polas pinturas ecolóxicas, que non resulten tóxicas e incluso que permitan absorber a contaminación ou ben xerar enerxía eléctrica. 

Por outro lado, aínda que poida pasar desapercibida con maior facilidade, non hai que deixar de lado a “polución branca”. Trátase daquela que sen ser perceptible polos sentidos pode afectar á saúde, como por exemplo a contaminación electromagnética. Proceden principalmente das torres de alta tensión e de antenas de telefonía móbil, que nos últimos anos proliferaron nas azoteas dos edificios, o que trouxo consigo unha crecente preocupación polos veciños ante os posibles riscos que poidan implicar, polo que as empresas propietarias acostuman negociar cos veciños as condicións para a súa instalación, como a cantidade a pagar, os anos que permanecerá en uso...etc. Trátase dun campo no que el debate científico e político continúa aberto, presentándose estudos con datos en ocasións opostos sobre se efectivamente resultan prexudiciais para a saúde dos veciños a presenza de torres eléctricas e antenas de telefonía.  

Tamén é importante ter en conta elementos menores como por exemplo os detectores de fume iónicos. Presentes en miles de edificios públicos e oficinas, teñen Americio 241, un elemento radioactivo e potencialmente perigoso. Aínda que a súa cantidade é moi pequena e a máis de cinco centímetros de distancia a súa emisión é demasiado débil como para ser considerada prexudicial para a saúde, é conveniente que a súa manipulación e retirada cando quede obsoleto sexa realizada por persoal especializado, xa sexa da empresa que o comercializa ou ben de Enresa (empresa pública española encargada da retirada de residuos radioactivos). 

Iluminación, ventilación e insonorización

Tanto no deseño do edificio como na posterior decoración de cada vivenda polo seu propietario estes tres factores resultan difíciles de harmonizar e dependerá do clima e o lugar no que se sitúe o edificio para potenciar unha ou outra. Colocar amplas ventás e facilitar a ventilación natural (preferible á producida polos aparellos de ar acondicionado, con frecuencia demasiado seca e electrificada) pode dificultar unha axeitada insonorización. 

Así mesmo, o grosor das paredes, a altura do edificio (canto máis elevado máis superficie exposta e maior dificultade para conservar a calor) e a orientación das ventás respecto ao sol son factores determinantes. A utilización de plantas para producir sombra e manter un ambiente fresco en xardíns terrazas e ventás tamén poden ser unha solución como pequena barreira contra o ruído, aínda que tamén diminúe a luminosidade do fogar, mentres que o dobre acristalamento é un bo sistema de insonorización e de illamento fronte ao frío exterior. 

Respecto á iluminación artificial, para evitar o pestanexo causante de estrés e fatigoso para a vista, basta con utilizar as modernas reactancias electrónicas (que é onde se conectan os tubos fluorescentes) de 20.000 Hz. Unha correcta iluminación artificial debe ter unha intensidade de 800 a 1.000 lux como mínimo e, sobre todo, debe emitir luz dunha cor similar ao Sol. O ambiente cromático completa elixindo as cores de paredes, mobles e cortinas da casa, preferiblemente de tons claros que reflicten mellor a luz. 

Artigos relacionados:

- Bioclimatizador