Repsol YPF

O gas acostuma ser o protagonista das nosas calefaccións. Pero, paradoxicamente, a aposta maioritaria por este combustible nos sistemas de calefacción non se reproduce noutros dispositivos da casa que habitualmente funcionan con electricidade. Un exemplo son os lumes. Tradicionalmente funcionaron con gas, aínda que os avances tecnolóxicos levaron a popularizar as instalacións vitrocerámicas nas nosas cociñas. Non obstante, se de eficiencia se trata, o sector lembra que cociñar con gas pode chegar a reportar un aforro enerxético de ata o 50% respecto aos modelos eléctricos. Pero a tecnoloxía soubo adaptar ambos modelos, como demostran as vitrocerámica de gas, que reúnen a comodidade desta tecnoloxía cunha fonte de enerxía máis eficiente, como é o gas.

Outro fenómeno semellante experimentou o sector do forno. Este elemento tan habitual na cociña, foi maioritariamente de gas na orixe, se ben agora se trata dun aparello electrodoméstico por excelencia. Desde o punto de vista do consumo cómpre lembrar que os fornos de gas aproveitan mellor a calor residual e permiten finalizar a cocción antes. 

Outros gasodomésticos

O gas pode chegar a máis aparellos do teu fogar do que imaxinas, como por exemplo ao lavado da túa roupa e do teu enxoval do fogar: os expertos en eficiencia enerxética non dubidan en recomendar a compra de lavadoras bitérmicas, que manteñen unha toma de auga para lavados en frío e outra para os programas que empregan auga quente. Esta recóllese da toma de auga sanitaria e quéntase a través da caldeira de gas ou das placas solares da casa; ao non ter que quentar a auga, o aparello remata antes e consume moita menos enerxía. Un sistema similar é o que empregan os lavalouzas bitérmicos, que poden chegar a aforrar ata un 35% do custo enerxético.

Os especialistas en sostibilidade tamén prefiren as secadoras de gas que, con similares prestacións que os tradicionais aparellos eléctricos, conseguen un aforro do consumo de ata un 60%, ao realizar o proceso de quentamento máis rápido. Se, ademais, incorporan ciclos de arrefriamento progresivo, que aproveita a calor residual, obteremos unha eficiencia óptima. Pero hai máis: o uso do gas como fonte de enerxía chegou tamén aos frigoríficos, conxeladores e aparellos de ar acondicionado.

Ao igual que outros aparellos propulsados por esta fonte de enerxía, só é preciso achegar o gasodomésticos ás tomas de gas e contar cun instalador autorizado para garantir a súa seguridade. O seu mantemento resulta tamén sinxelo: cómpre realizar revisións periódicas, manter limpas e abertas as reixas e seguir as instrucións de conservación do fabricante.

 
Artigos relacionados:

- A seguridade no fogar

- Plans enerxéticos adaptados a cada vivenda.