Repsol YPF

Segundo datos do sector, case non quedan vivendas habitadas en España sen neveira. É o electrodoméstico por excelencia e tamén un dos principais consumidores de enerxía no teu fogar. Este extremo resulta paradoxo, xa que os frigoríficos non teñen unha gran potencia (acostuman funcionar a uns 200 W, mentres que un secador de pelo pode chegar aos 2000). Este fenómeno débese a que, agás en contadísimas ocasións, as neveiras permanecen constantemente en funcionamento.

Ao contrario que outros electrodomésticos, con maiores restriccións neste sentido, basta cun cambio de situación para mellorar a eficiencia do teu aparello. O sector recomenda que as neveiras estean colocadas nun lugar fresco e ventilado, afastado de radiadores e outras fontes de calor. Con esta medida e un correcto coidado do aparello (evitando, por exemplo, que a súa capa de xeo supere os tres milímetros) pódese acadar un aforro de ata o 30%.

Son moitos os consellos que enuncian os fabricantes para aforrar enerxía no uso dos frigoríficos pero, por encima de todo, o mellor xesto para optimizar a túa eficiencia está na elección do aparello. O goberno estableceu para todos os electrodomésticos unha etiquetaxe que os clasifica en función da súa eficiencia enerxética. No caso dos frigoríficos, as clases A+ e A++ son as que mellores resultados ofrecen, aforrando non só enerxía senón tamén na túa factura mensual.

Hixiene eficiente no fogar

Tras o frigorífico, a lavadora é outra das estrelas das túas facturas mensuais. Segundo estimacións do sector, a práctica totalidade das casas do país dispoñen dunha e, por termo medio, emprégase entre tres e cinco veces por semana. Para lograr unha maior eficiencia na súa utilización, os expertos recomendan dedicarlle os lavados con auga quente ás coladas especialmente sucias, na medida do posible, xa que é nestes procesos cando a lavadora xera un maior consumo enerxético. 

Se tes que comprar un aparello novo, opta por un de clase A, o de maior eficiencia enerxética e estuda se che convén unha lavadora propulsada por gas, unha opción máis respectuosa co ambiente. Esta segunda clase de aparellos son xeralmente lavadoras bitérmicas, que incorporan dúas tomas de auga independentes, unha para a auga fría e outra para a quente. Ao tomar a auga quente do circuíto de auga sanitaria, afórrase enerxía e un 25% do tempo de lavado.

Outro dispositivo con grandes rendementos é o lavalouzas. Segundo datos do sector, se elixes un electrodoméstico que empregue nos seus ciclos auga   prequentada podes aforrar ata un 35% de enerxía. Se prefires outras solucións, volve ter presente a etiquetaxe enerxética gobernamental e selecciona lavalouzas de clase A. 

Escolle o teu aparello tamén en función do seu tamaño: non é o mesmo lavar para un só, que para unha familia de catro, e procura empregalo cando estea cheo, agás que inclúa un programa de media carga.

 
Artigos relacionados:

- Lámpadas de baixo consumo

- Penalización por consumo ou descontos por eficiencia