Repsol YPF

E compoñer sorprendentes menús en poucos minutos. As posibilidades son infinitas. O ovo é un alimento tan habitual nas nosas mesas como o pan ou o leite. As súas propiedades nutritivas son innumerábeis e combina perfectamente con calquera ingrediente.

Proteínas e vitaminas
··· O ovo está composto pola xema, que contén graxa, vitaminas A, B, D e E e unha carencia absoluta de hidratos de carbono, e a clara, onde se atopan as proteínas,
xa que é o encargado de alimentar o embrión durante o seu desenvolvemento. Para aproveitar todos os nutrientes que achega, é preciso consumilo despois de cocelo durante un mínimo de tres minutos. Os ovos crus, que antigamente se tomaban como reconstituínte, pasan polo organismo sen deixar rastro.

Existen varios métodos para recoñecer a frescura dun ovo. O máis antigo é miralo a contraluz para observar a cámara de aire que contén nun extremo: canto máis pequena sexa, máis fresco é o ovo. Outra forma de asegurarnos do seu bo estado é comprobar que teña a clara densa e a xema ben centrada. Ao fritilo ou escalfalo, a clara quedará recollida en torno á xema.

····· ····· Mil e unha formas de preparación.
Os ovos pódense cociñar de distintas formas: fritos en aceite ata que o bordo da clara se rice; á prancha, nunha tixola grosa lixeiramente engraxada; cocidos en auga fervendo uns 10 minutos se gustan moi feitos, 5 minutos se se prefiren brandos ou mollets, e 3 minutos cando se queren pasados por auga.

Só se poden escalfar os ovos moi frescos. Para iso ponse ao lume un recipiente con dúas partes de auga e unha de vinagre, e cando a auga estea a punto de ferver, bótanse os ovos previamente cascados nunha cunca. Mentres callan, vaise recollendo a clara sobre a xema, póñense a escorrer sobre un pano limpo, recórtanse os bordos para que teñan boa forma e sérvense segundo a receita elixida.

····· Os revoltos son unha das fórmulas de preparación con máis aceptación. Os ovos bátense cun chisco de sal e cunha cullerada de nata ou leite por unidade. A continuación cállanse nunha tixola ou nun cazo ao baño de María, removendo a mestura constantemente para que non se fagan grumos. Cando estean a medio callar engádese a gornición elixida (cogomelos, bonito, afumados, xamón, etcétera). Unha vez no seu punto, sérvense nos pratos inmediatamente, xa que seguen callando despois de retirados da tixola.

····· As tortillas son aínda máis populares que os revoltos. Existe unha gran variedade de fórmulas pero, sen dúbida, a máis popular é a tortilla española, a base de patacas cocidas
en aceite e ovo. A francesa, só con ovo e dobrada como un pano, é a variedade máis frecuente nos nosos menús cotiáns, pola súa rápida e sinxela preparación. Entre as variacións que ofrece a nosa gastronomía atópase a tortilla paisana, con verduras
e xamón ou chourizo; a tortilla sacromonte, especialidade granadina que incorpora entre os seus ingredientes miolos de año; e as de bacallau, allos e pementos. Pero aínda non rematan as súas posibilidades, o ovo ofrece infinitas alianzas para compoñer as máis orixinais e deliciosas tortillas. O límite só o pon a imaxinación do cociñeiro.


·····