Repsol YPF

A procedencia deste condimento (costas, rochas de desertos, zonas de montaña…), o tamaño dos seus grans, a súa composición e incluso a súa capacidade para disolverse son factores condicionantes á hora de elixir o tipo de sal máis axeitado ao prato que vaias elaborar. 

O sal de rocha, máis pura e con concentracións do 90% de cloruro sódico extráese de xacementos minerais que, en realidade son restos secos de mares prehistóricos. O sal mariño, por outro lado, obtense pola evaporación da auga de mar e, ademais do mineral, contén outros elementos disoltos que lle proporcionan o seu característico sabor mariño. É o que se acostuma empregar habitualmente nas cociñas para salgar os alimentos.

Sabores gourmets

Canto máis puro é o sal, máis intenso é o seu sabor e precísase menos cantidade. As escamas de sal mariño preséntanse con diferentes sabores (con algas mariñas, afumadas, de limón, de chile, as suxestivas escamas negras…). O sal inglés de Maldon é unha sofisticada flor de sal de gran pureza, que require unhas condicións climatolóxicas especiais para poder obterse. Podes empregalo para sazonar alimentos á grella, tanto carnes e peixes como verduras xa que ten un poderoso gusto salgado pero carece de amargor. Os seus cristais manteñen unha gran consistencia ata que explotan no padal, por iso debes engadilo xusto no momento de servir. 

Os diversos sales disólvense a ritmos distintos, dependendo do medio co que se atopen en contacto. Incluso a súa cor variou. Abandonan a súa tradicional cor inmaculada e aparece o sal gris de Guerande, elaborado na Bretaña francesa. A súa cor procede das diminutas partículas de arxila que contén,  encargadas de manter o sabor e o aroma de alga. Son coñecidos o sal rosado dos Andes peruanos e o sal rosa do Himalaia, de tacto crocante, o sal rubio de Hawai, o negro de Chipre. Hainos afumados, con sabor a herbas ou a trufas, mesmo se comercializa sal de vainilla, escamas de curry ou de Chile. 

Artigos relacionados

-Lambetadas, ¿tentacións prohibidas?

-Auga con todo o seu sabor