Repsol YPF

Pero non nos equivoquemos. Non todas as bolsas de plástico serven para asar senón que estamos falando dun tipo de bolsas especiais que son capaces de soportar as altas temperaturas do forno (de ata 200ºC) e que se poden atopar na sección de produtos de cociña de grandes supermercados.

Estas bolsas de poliéster son perfectas para asar carne e aves xa que os zumes naturais que se desprenden ao asar quedan dentro da bolsa e conservan todo o sabor, quedando o asado moito máis tenro. De igual xeito, á hora de cocer verduras, as bolsas de asar reteñen todo o sabor e vitaminas dos vexetais, que normalmente se perden na auga de cocción.

Trátase, ademais, dun produto moi útil xa que nos evitará ter que limpar o forno unha vez rematemos de cociñar. E non só iso, senón que dentro das súas múltiples utilidades pódense usar para asados no forno, a grella ou o microondas, pero tamén para conxelar ou como simple método de almacenaxe, xa que posteriormente poderemos usar estas bolsas directamente para cocer ou asar. E un último apunte: son válidas tanto para os fornos de gas como para os eléctricos.

Como se usan?

O seu uso é moi sinxelo. Só tes que introducir na bolsa aqueles alimentos que decidísemos pór a asar, pechala cun precinto especial que acompaña á bolsa e cortar o plástico que sobra unha vez se precintou a mesma. Deste xeito, xa teriamos lista a bolsa para introducila no forno. A continuación, débense realizar, cun garfo, uns pequenos buratos preto da boca da bolsa para que durante a cocción os ingredientes poidan respirar. Este procedemento é importante, xa que evita que a bolsa explote dentro do forno. Ademais, hai que ter en conta que só se debe perforar un lado da bolsa e non os dous xa que se a bolsa se perfora demasiado, o zume do asado se derramaría na bandexa.

Ao finalizar a preparación da comida, sacaremos a bolsa para asar do forno coa axuda dunhas luvas de cociña. Ten coidado de non queimarte, xa que a bolsa estará moi quente.

Polo asado, unha boa elección

Se aínda non estás convencido das vantaxes que ofrece esta nova forma de asar alimentos, propoñémosche unha sinxela receita que che pode animar a comprobar por ti mesmo o fácil que resulta o emprego destas bolsas. Decantámonos por un polo asado, un prato ideal para cociñar ao forno e que gusta a todo o mundo. 

Para facelo, precisaremos, ademais das devanditas bolsas de asar e do polo: sal, pementa, aceite de oliva, allos, viño, cebola e limón. Quentamos o forno a 180º, salpementamos o polo e metémolo na bolsa, engadindo ademais o resto dos ingredientes requiridos; procura que os allos estean enteiros, e que o limón estea sen cáscara. Despois pecharemos fortemente a bolsa cos aneis metálicos proporcionados e cortaremos o plástico sobrante, como xa se explicou para, a continuación, pinchar a bolsa cun garfo. Metemos a bolsa no forno a unha temperatura de 160º e deixarémola así durante dúas horas sen mover. Transcorrido este tempo, subiremos o forno a 200º durante media hora máis.

O resultado é un polo perfectamente asado e especiado, coa pel crocante e moi zumarenta xa que mantén todo o aroma e o sabor dos mellores asados. En definitiva, trátase dunha técnica moi fácil para os que non son moi expertos entre os lumes, ideal tamén para os fornos sen pirólise (xa que este sistema non ensucia) e moi axeitado para aforrar enerxía, xa que a calor está perfectamente distribuída e redúcense os tempos do forno.

Artigos relacionados

- O papel de aluminio, un clásico da cociña

- Forno e microondas: quen reina na cociña?