Repsol YPF
Ruta
Repsol zerbitzuguneak gaitasun ezberdineko langileen dibertsitate- eta integrazio-kudeaketaren eredu dira. Duela bi urte baino gehiagotik, gizarte elkarbizitza eredu konprometitua eta solidarioa sustatzen du, pertsonen bizi-kalitatea hobetzeko eta talde ahulenen edo bazterketa arriskuan dauden taldeen gizarte integrazioa errazteko.
Langile elbarriak gizarteratzeari buruzko apirilaren 7ko 13/1982 legeari jarraiki, Repsolek, 1990eko ekainaren 1ean, lehen langile elbarria kontratatu zuen, eta, egun, gaitasun ezberdineko 348 langile ditu berarekin lanean, eta, epe ertainera, gaitasun ezberdineko 500 langile izatekotan da.
Bere asmoa denetariko pertsonentzako moduko zerbitzuguneak lortzea da, minusbaliotasuna dutenentzat edo ez dutenentzat, eta horregatik nahi ditu saihestu instalazioak erabiltzea edo haietara sartzea galaraz dezaketen muga edo oztopo posibleak.
Minusbaliatuentzat egokitutako 150 zerbitzugune ditu Repsolek, eta Mostolesko zerbitzugune berria proiektuaren beste urrats bat izan da. UNE 170.001-2 ziurtagiria duen lehen zerbitzugunea da Espainian, eta, horrekin, DALCO (Ibiltzeko gaitasuna, Ulertzea, Lokalizazioa eta Komunikazioa) erabilgarritasuneko irizpideak eta erregelamenduaren araberako betekizun aplikagarriak asebetetzen dituen ingurunea sortu du.
Zerbitzugunea ezintasunak dauzkaten hamar saltzailek kudeatzen dute. Horretarako, lanpostuetarako heziketa eta trebakuntza jaso dute, Merkataritza Heziketa Zentroak emandako lan prestakuntza ikastaro baten bitartez. Haien lan etorkizunean laguntzea eta enpresan ahalik eta ongien integratzea da horren helburua.
Repsol zerbitzuguneek aniztasuna errespetatzearen aldeko apustua egiteaz gain, hori bera sustatzeko eta garatzeko konpromisoa hartu dute, eta, horretarako, langile guztien aukera berdintasunak eta pertsonekiko errespetua defendatzen dute. Móstolesko zerbitzugunearen kudeaketa eredugarria da ildo horretan. Horrez gainera, gizarte erantzukizun konpromiso sendoari jarraiki, aukera berdintasun helburu argia defendatzen dute.
Informazio-oharra: Gaztelaniazko jatorrizkoaren itzulpena. Desadostasunik egonez gero, gaztelaniazko bertsioa gailenduko da.