Repsol YPF

Nekazaritzako konposatu baten osagaiak, funtsean, oinarri-erretxina bat (dentsitate txikiko polietilenoa erabili ohi da, edo EVA kopolimeroak) eta gehigarriak izaten dira. Azken horiek gutxienenak badira ere, filmari ezaugarri-kopuru handi bat ematen diote. Konposatu baten pisuan, %15 ere gehigarriena izan daiteke, eta gehigarri horiek 15 izan daitezke; hala, bada, hiru geruzako film batean 45 gehigarri ere egon daitezke. Hona hemen gehien erabiltzen diren gehigarri-familiak:

Labaintzaileak eta blokeoaren kontrakoak
Antioxidatzaileak
UV xurgatzaileak
Argiarekiko egonkortzaileak
Azaleko tentsioaren aldatzaileak
IR urruna blokeatzeko gehigarriak
Fotoselektiboak

Sarritan, familia bereko gehigarri bat baino gehiago erabiltzen dira. Gehigarri horiek molekula kimiko gutxi-asko konplexuak dira, hainbat motatakoak, eta, askotan, elkarren arteko interakzioa gertatzen da; interakzio hori positiboa da batzuetan, eta negatiboa, bestetzuetan.

Hala, hiru geruzako film baten kasu hipotetikoa aipa dezakegu: geruza bakoitzaren formulazioak erabat ezberdinak badira, film horretan, batera, 45 gehigarri daude; gainera, gehigarri horietako batzuek geruza batetik bestera migratzen dute, eta interakzioan sar daitezke beste geruzetako gehigarriekin.

Repsol YPF-ren nekazaritzarako konposatu bat erabiltzeak abantaila hauek eskaintzen ditu:

Eraldatzailea hornitzaile bat baino behar ez duenez, gehigarri bateraezinak erabiltzeko arriskua edo gehigarriak egokia ez den proportzioan erabiltzeko arriskua murrizten dira. Gainera, biltegiratu gabeko lehengai-motak gutxiagotzen dira.

Repsol YPF-k aukeratzen ditu gehigarriok, polimeroen kimikan espezializaturik egonik eta arlo horretan urte askoko esperientzia izanik.

Gehigarriok era uniformeagoan barreiatzen dira oinarri-erretxinan, konposatuak horretarako ekipamendu berezietan fabrikatzen direlako, bi homogeneizazio-etaparekin, gainera: konposatuaren fabrikazioan eta estrusioan. Horrez gain, eskulanean aurreztea ahalbidetzen du, eta, hartara, produktibitatea gehitzen du.