Repsol YPF

Zergatik egin aldizkako berrikuspena?

Arrazoi nagusia zure segurtasuna da. Ildo horretatik, indarrean dagoen araudiak ezartzen du petroliotik likidotutako gas instalazio bat duten guztiek segurtasun-egoera bikainean mantentzeko ardura dutela. 

Zehazki, 919/2006 Errege Dekretuaren, uztailaren 28koaren, gas-erregaiak banatzeko eta erabiltzeko erregelamendu teknikoa onartzen duenaren, 7. artikuluan adierazten da instalazioaren titularrak, edo hori egon ezean, erabiltzaileak aldizkako berrikuspena egin beharko duela.

Zer egin instalazioa behar bezala mantentzeko?

Butano edo propano botilez elikatutako instalazio baten titular edo erabiltzaile gisa, 919/2006 Errege Dekretuaren, uztailaren 28koaren, gas-erregaiak banatzeko eta erabiltzeko erregelamendu teknikoa onartzen duenaren, 7. artikuluko beharrak bete behar dituzu. 

Hauek dira: 

• Instalazioaren aldizkako berrikuspena egitea, eta horretarako, baimendutako gas-instalazioen enpresa baten zerbitzuak kontratatzea. Aldizkako berrikuspena 4 edo 5 urtean behin egin behar da, autonomia erkidegoaren arabera.
• Epe baten barruan, iraungitze data duten instalazioaren elementuak ordezkatzea.        

Halaber, ondoko segurtasun-gomendioak jarraitzea aholkatzen dizugu: 

• Eroanbide malgua eta labearen atzealdea edo bestelako bero-iturri bat kontaktuan ez eduki.
• Gas bidezko gailu bat funtzionatzen dagoen gela aireztatuta eduki. Ez estali saretak.
• Sugarrak errekuntzaren kalitatea islatzen duela kontuan izan. Ona bada, sugarra bizia, egonkorra eta urdinxka izango da. Zaratatsua, ezegonkorra eta horixka bada, deitu fabrikatzailearen zerbitzu teknikoari.        

Gas usaia hartzen baduzu, ez piztu surik, ez etengailu elektrikorik. Erregulagailua itxi, gela aireztatu eta 901 12 12 12 telefonora deitu (zerbitzu teknikoa).

Berogailuen, barbakoen, paelleren eta bestelakoen inguruko oharrak

Ez duzu horien aldizkako berrikuspena egin behar, kontratatura dituzun ontziak gailu mugikorrak (berogailuak, barbakoak edo paellerak) elikatzeko erabili behar badituzu.

Hala ere, zure segurtasunerako, gailua mantentzea eta iraungitze-data duten elementuak aldatzea gomendatzen dizugu.