Repsol YPF

Ontzi Aktiboa

RYCOAT F-100, EMULACTIV C-1
Ontzi kontzeptu berria frutak eta barazkiak garraiatzeko

RYCOAT F-100, EMULACTIV C-1 

REPSOL-ek, Zaragozako Unibertsitateko GUIA taldearekin lankidetzan, bilgarri kontzeptu berria diseinatu du frutak eta barazkiak garraiatzeko. Argizari bat da, RYCOAT F-100 forma solidoan edo EMULACTIV C-1 emultsioan, paperari edo kartoizko kaxei aplikatu ondoren, agente patogenoak ugaritzea saihesten duena eta garraiatzen diren fruta eta barazkien bizitza luzatzen duena. Bilgarri berri honek, gainera, hezetasunaren aurkako hesi propietateak kontserbatzen ditu, eta ONTZI AKTIBOA deitzen zaio.

ZER DA ONTZI AKTIBO BAT? 

Oro har, ONTZI AKTIBOA "elikagaia babesten duten konposatuak ematen dituen edo elikagaia kaltetzen dutenak xurgatzen dituen" ontzi mota gisa definitzen da, eta kontaktu bidez (elikagaiak ontziarekin kontaktuan egon behar du) edo atmosfera bidez (elikagaiak ez du ontziarekin kontaktuan egon beharrik). Bi produktuek (RYCOAT F-100 eta EMULACTIV C-1) atmosfera bidez jarduten dute, kaxaren barruan agente patogenoak haztea eragozten duen giro bat sortuz.

Fruta eta barazkiei eragiten dieten gaixotasun gehienak lizun eta legamien erasoaren ondoriozkoak dira. Lehenengoen artean, honako hauek dira garrantzitsuenak: P. nalgiovense, E. repens, P. islandicum, P. roqueforti, A. flavus, B. cinerea, P. expansum, P. digitatum edo D. hansenii. Legamien artean, berriz, C. albicans edo Z. roxii. Mikroorganismo horiek dira Espainiako fruta eta barazki galeren % 25 ingururen eragile. 

APLIKATZEKO MODUA

RYCOAT F-100 eta EMULACTIV C-1 izenez ezagutzen direnek, beren bakterizida berezi karakteristikoez gain, kartoizko estalki tradizionaleko produktuen hezetasunaren aurkako hesi modua eratzeko gaitasuna gordetzen dute. Produktu horiek bezala erabiltzen dira, eta ez da inolako ekipamendu berezirik behar horiek aplikatzeko.

BILTEGIRATZEKO KONTUAN HARTU BEHARREKOAK ETA BALDINTZAK 

RYCOAT F-100 eta EMULACTIV C-1 izenekoen babes baldintzak beren jardueran ahal bezainbeste laguntzeko, kaxak leku freskoan eduki behar dira, eta saihestu egin behar da denbora askoan biltegiratuta edukitzea.

RYCOAT F-100, EMULACTIV C-1 

RYCOAT F-100 eta EMULACTIV C-1 produktuak argizari eta esentzia naturalen nahasketa batez osatuta daude, frutak eta barazkiak agente patogeno desberdinen erasotik babesteko bereziki diseinatuta. 

Elikagaien inguruko araudi guztiak betetzen dituzte (FDA, 2002/72/EC Zuzentaraua…). Laborategiko probak Zaragozako Unibertsitatean egin dira. Proba horiek erakutsi dute bi produktuak eraginkorrak direla lizun, legamia eta bakterioen aurrean elikagaiak babesteko, eta fruta eta barazkien bizitza luzatzen dutela.

Informazio gehiago edo telefono honetara deituz: 901 111 999