Repsol YPF
Ruta
Motoen salmentak ehuneko 7,46 igo ziren urtarrilean
Badirudi motozikleta, ziklomotor eta quaden merkatua berpizten hasia dela 2010eko lehen hilabetean zehar. Horrela jasotzen dute Bi Gurpileko Sektoreko Enpresen Nazio Elkartearen datuek, salmentak ehuneko 7,46 igo zirelako urtarrilean joandako 2009ko hilabete berberarekiko.
Anesdorrek emandako datuen arabera, motoen merkatuak salmentak 10.741 unitatetan finkatu zituen pasa den urtarrilean, horrek igoera txiki bat (ehuneko 7,46) suposatzen du 2009ko aldi berberarekiko. Beharrezkoa zen holako suspertze bat sektore honetan, Gobernuaren Moto-E Planaren diru-laguntzek izan ez zutelako lau gurpileko sektorean bezainbesteko eraginik.
Sektoreko matrikulazioen igoera honen arrazoi nagusienetarikoa da motozikleten salmentan eman den goranzko joera, urtarrilean zehar 7.900 unitate baino gehiago matrikulatu zirelako, hau da, ehuneko 29,6ko igoera 2009ko hilabete berberarekiko. Anesdorrek kopuru horiek begi onekin ikusten ditu, baikortasun pixka bat berreskuratzen lagundu eta pentsarazten diotelako 2010a izan daitekeela sektorea suspertzen eta joera aldatzen hasiko den urtea.
Anesdorrek uste du ziklomotorren sektorea ere zaindu behar dela, ehuneko 28,4ko atzerapena izan duelako 2009arekiko, izan ere, urtarrilean 2.564 unitate matrikulatu ziren; horren arrazoia da, bi gurpileko enpresarioen ustez, datorren irailetik aurrera 14 urtetik 15era gidatzeko gutxieneko adina igotzea.
2010/02/11
Azken berriak
> Aprilia Atlantic 500 Sprint: Indarra eta nortasuna
> Harley-Davidsonek 197 moto deitu ditu berraztertzera
Informazio-oharra: Gaztelaniazko jatorrizkoaren itzulpena. Desadostasunik egonez gero, gaztelaniazko bertsioa gailenduko da.