Repsol

Repsol-ek, Petronor-ek eta BBK-k CLH-ri buruzko akordio bat sinatu dute

BBK-k Petronor-en Compañía Logística de Hidrocarburos-eko % 5 erosi du eta, operazioaren parte bezala, Petronor-ek CLH-n mantentzen zuen gainerako % 0,33 Repsol-i eskualdatu dio.
Repsol-ek CLH-n % 15eko partaidetza zuen eta, orain, berriz, % 10ekoa du, eta % 5 gehigarria saltzeko prozesuan jarraitzen du.
BBK-k eta Repsol-ek CLH-ren kudeaketa eta estrategia erabat babesten dutela berrestu dute.

Prentsa oharra

2010 ko martxoa k 25 17:46 CET

Repsol-ek, Petronor-ek eta BBK-k akordio bat sinatu dute gaur. Horren bidez, BBK-k Compañía Logística de Hidrocarburos-eko (CLH) % 5eko akzio-paketea eskuratu du, Repsol-i zeharka zegokiona (Petronor-en bidez). Operazioa 145 milioi euroren truke itxi da, eta, zergen ostean, Repsol Taldeko emaitza garbian 107 milioi euroko eragina izango du.

Operazio horren bidez Repsol-ek murriztu egin du CLH-n duen partaidetza (% 10ekoa izango da) eta konpainia logistikoan beste % 5 gehigarria desinbertitzeko lehia-prozesu irekian jarraitzen du, Citigroup-en aholkularitzarekin. Operazioaren parte bezala, Petronor-ek CLH-n mantentzen zuen gainerako % 0,33 Repsol-i eskualdatu dio, BBK-rekin egin den operazioaren baldintza berberetan.

CLH-ren % 5 eskuratzean, BBK-k aintzat hartu du CLH-k hidrokarburoak biltegiratu, garraiatu eta banatzeko sektorean (ekonomiarako estrategikoa den sektorean) duen posizioa, baita lurraldeko posizio industriala eta lehiakortasuna faboratzea ahalbidetzen duten sektoreekin duen lotura ere. Halaber, CLH palanka-efektu baxuko enpresa bat da, eta balantze sendo eta onbideratua du, fluxuen hazkunde eta errepikapenari esker.

Salmenta horren bidez, BBK-k eta Repsol-ek (konpainia logistikoaren akziodun eta lehen bezero industrial gisa izaten jarraitzeko asmoa duenak), CLH-ren kudeaketa eta estrategia babesten dutela berrestu dute.

CLH-k Espainian operatzen duten petrolio-operadore gehienei ematen dizkie zerbitzuak. Munduko hidrokarburo logistika sarerik handienetakoa eta eraginkorrenetakoa du, hots, 3.800 kilometroko petrolio-hodi, 7 milioi metro kubiko jasotzeko gai diren 37 biltegi eta aireportuko 29 instalazio. 2009an guztira 592 milioi euroko sarrerak lortu zituen, eta 302 milioi euroko EBITDA.