Repsol

Energia eragingarritasuna bilatzen dugu

Repsol-en uste dugu energia garbiena kontsumitzen ez dena dela. Repsol-eko Teknologia Zentroan energia eraginkortasunean lan egiten dugu gure ekoizpen prozesuak hobetuz eta gure industria, ibilgailu eta etxeetan energia modu zentzudunean erabiltzeko aukera emango diguten produktuak sortuz, eta energia kontsumoa eta atmosferara eginiko isurketak murriztuz.

Oso garrantzitsua da gogoan izatea eraginkortasuna handitzeko nahia eta isurketak gutxitzeko ardura denona dela, eta horrelako jarduerak ez dituzte soilik enpresek egin behar, baizik eta herritarrek ere bai. Eragingarritasunean hobetze garrantzitsua lortzeko, Repsol-eko langile guztiok helburu berbera lortzeko konpromisoa daukagu: energia eragingarritasuna.

Petrolio eta gasa bezalako energia iturrietatik lortutako energia-ekoizpenaren etapa ezberdinetan, lehengai horien kontsumo garrantzitsua dago, eta beraz, energia kontsumo handia. Petrolioaren finketa gehien kontsumitzen duen etapa da eta Repsol-en urtero erabilitako kontsumo maila murrizten saiatzen gara berrikuntzaren eta Energia Kudeaketaren Sistema Korporatiboaren bidez.

Gainera, Repsol-eko Teknologia Zentroan proiektu asko garatzen ditugu, helburu gisa prozesu ezberdinen jarraipena eta optimizazioa dutenak: gasolinak eta gasolioak sortzeko unitateetatik, erregaietatik sufrea eta aromatikoak murriztera bideratutakoetara, hidrogenoa ekoizteko plantetara eta lotutako petrokimikak eta planta kimikoetara.

Repsol-eko Teknologia Zentroko ikertzaileen ahaleginari eta elkarlanean aritzen diren hainbat unibertsitate eta ikerketa zentrori esker egin dezakegu hori.

Repsol-en energia arduratsua erabiltzen dugu energia-etorkizun orekatua lortzeko, eta gure bezeroei beren energia fakturak eta CO2 isurketak murrizteko aukera ematen diegu. Bioerregaiak ikertzen ditugu, energia iturri alternatiboak garatzen ditugu, energia elektrikoa edo Autogasa esaterako, eta etxeetara irtenbide garbiak eta eraginkorrak eramaten ditugu energia ezberdinak konbinatuz, Solargas delakoa kasu.

Atmosferako CO2a harrapatzeko eta ezabatzeko prozesuetan ere lan egiten dugu, bai espezie begetalen ongarritze karbonikoaren bidez zein biltegiratze geologikoaren bidez. Izan ere, horiek prozesu giltzarriak dira energia-horniketa ziurra, lehiakorra eta iraunkorra lortu ahal izateko, bai jendartearen zein ingurumenaren ikuspegitik.

Lotutako proiektuak:

	CENIT Krisalida Proiektua CENIT Krisalida Proiektuak ikerketa estrategikoa garatzen du energia elektrikoaren bigarren mailako banaketan. Helburua 2015erako erdi tentsioko sarearen kontzeptu berria lortzea da.
	CENIT Piibe Proiektua Ikerketa Proiektua Espainian Biodiesela bultzatzeko. Berrikuntza eta Garapen jardueren bidez (I+G), biodiesela Espainiako merkatuan txertatzen laguntzeko sortu zen.
	Landare-olioen koprozesamendua Landare-olioak koprozesatzeko Proiektu Estrategikoak bioerregai berriak txertatzeko alternatiba osagarria eta berria bilatzen du.
	Autogasa Munduan gehien erabiltzen den automobilgintzarako energia alternatiboa abangoardiako gure Proiektuen kanpainaren zati da.
	Mikroalgak Etorkizuneko energiak garatzeko lan egiten dugu Repsol-en, esaterako bigarren sorkuntzako bioerregaiak lortzea mikroalgak eta jateko egokiak ez diren laborantzak erabilita.

Itzuli

• 
• 
• 
• 
• 
• 
• 

• 
• 
• 
• 
• 
•