Repsol

Kimika negozioan

Downstream-en barnean sartzen da kimika arloko jarduna. Hainbat produktu mota produzitzen eta merkaturatzen ditugu, oinarrizko petrokimikatik hasita petrokimika eratorrira.

Repsol-ek produktu kimikoak merkaturatzen ditu 90 herrialde baino gehiagotan eta Iberiar Pentsintsulako merkatuan aitzindaria da.

Hiru instalazio petrokimikotan egiten dugu produkzioa, Sinesen (Portugal), Puertollanon (Espainian) eta Tarragonan (Espainia). Oinarrizko kimika eta kimika deribatua uztartzen ditugu, eta fintze lanak ere egiten ditugu.

Halaber, Repsol-ek baditu bigarren mailako eta eskumendeko konpainiak. Konpainia horietan, estireno deribatuak, espezialitate kimikoak eta kautxu sintetikoa fabrikatzeko instalazioak ditugu. Kautxu sintetikoari dagokionez, Mexikoko Dynasol taldearen bitartez fabrikatzen dugu (% 50eko aliantza du KUOk haiekin), Espainiako eta Mexikoko instalazioetan.

2010ean, Downstream-eko esplotazio kimikoa nabarmen hobetu zen 2009arekin alderatuz gero, eta balio positiboak lortu genituen.

Eskaerari, tarteei, eta instalazioetan kostuak murrizteko neurri zorrotzei eta optimizazioari dagokienez, ez genuen galerarik izan (bai, ordea, 2008an eta 2009an), baina negozioak baxualdia bizi du oraindik ere.

Kanpoko salmentak igo egin ziren, 2,6 milioi tonara iristeraino; 2009an, 2,3 milioi tona saldu genuen. Alegia, salmentak % 13,5 igo dira. Fintze lanaren integrazio eraginkorraren erakusgarri, Repsol-ek Neste Oil Portugal sozietatea erosi zuen ekainean. Sinesko etil ter-butil eter (ETBE) instalazioaren jabe da sozietate hori, eta 50.000 tona produzitzen ditu urtean.

Kautxu sintetikoak Txinan

Dynasol (Repsol Taldearen eskumendeko enpresa) joint-venture konpainia bat da, Repsol Kimikak eta KUO mexikar taldeak (aurrez DESC zuen izena) beren kautxu sintetikoko negozioak batzearen ondorioz sortua. Kautxu mota ugari produzitzen eta merkaturatzen ditu, hainbat motatako bezeroen beharrak asetze aldera, hainbat aplikaziotarako erabiltzen baitute kautxua.

2010eko abenduan, Dynasolek akordio bat sinatu zuen Txinako Shanxi Northern Xing’an Chemical Industry (Xing’an) sozietatearekin. Hala, Txinan kautxu sintetikoa fabrikatzeko eta merkaturatzeko enpresa bat eratuko dute bi konpainien artean. Instalazio horri esker, Dynasolen produkzio ahalmena % 50 igoko da, eta mundu mailako ekoizle bihurtuko da, instalazioak baititu Europan, Amerikan eta Asian.

Magnitude operatiboak (kimika)

	2009	2010	2010 eta 2009 arteko aldakortasunaren ehunekoa
Ahalmena (tonak, milakotan)
Oinarrizko petrokimika	2.679	2.808	4,8
Petrokimika eratorriak	2.933	2.933	0,0
GUZTIRA	5.612	5.741	2,3
Salmentak produktuka (Milaka tona)
Oinarrizko petrokimika	567	874	54,2
Petrokimika eratorriak	1.739	1.744	0,3
GUZTIRA	2.306	2.618	13,5
Salmentak merkatuka (Milaka tona)
Europa	2.000	2.263	13,2
Munduko gainerako herrialdeak	306	355	16,0
GUZTIRA	2.306	2.618	13,5

Produkzio ahalmena

Tonak, milakotan	Guztira
Oinarrizko petrokimika produktuak
Etilenoa	1.362
Propilenoa	904
Butadienoa	202
Bentzenoa	290
Etil ter-butil eterra	50
Petrokimia eratorriak
Poliolefinak	875
Polipropolenoa	520
Bitarteko produktuak
Propileno oxidoa, polioleak, glikoleak eta monomero estirenoa	1.189
Akrilonitriloa / metakrilato metila	166
Kautxua	115
Beste batzuk	69