Repsol

Findegietako jarduna

Repsol-ek asmo handiko inbertsio plan bat abiarazi zuen. Hari esker, fintze ahalmen handiagoa lortuko dugu, konbertsio ahalmena handituko, eta segurtasuna hobetuko, betiere ingurumenaz eta instalazioen eraginkortasunaz ari garela.

Repsol Taldeak bost findegi ditu Espainian, eta haietan dihardu (Cartagena, Coruña, Petronor, Puertollano eta Tarragona). Guztira, egunean 776.000 upel petrolio destilatzeko ahalmena dugu (Tarragonan, Asfaltos Españoles SAren partaidetza barne hartuta). La Pampilla findegian (Peru), non Repsol operadorea den eta % 51,3ko partaidetza duen, gaitasun instalatua eguneko 102.000 petrolio upel da. 

2010. urtean, nazioarteko krisi ekonomikoak eragin handia izan zuen fintze atalaren jardunean eta emaitzetan. Energiaren Nazioarteko Agentziak goranzko joera bat sumatu zuen petrolio produktuen eskaeran, 2008 eta 2009 urteekiko. Gorantz ari diren herrialdeetan handitu zen, batez ere, eskaera; bereziki, Txinan eta Indian. Europako merkatuetan, eskaerak behera egin zuen 2010ean ere. 

Mundu mailan, beraz, petrolio produktuen eskaera handitzen hasi zen. Horri loturik, petrolio gordinaren eskaerak ere gora egin zuen, eta fintze ahalmenak, berriz, behera. Ondorioz, 2010ean, petrolio gordinaren eta produktu arin-astunaren diferentzialek hobera egin zuten, baita fintze tarteek ere, hein txikian bada ere.  

Espainian, 2,5 dolar upeleko fintze tartea lortu genuen 2010ean; 2009an baino gorago, beraz (1,3 dolar upeleko). Perun, urteko 4,2 dolar upeleko fintze tartea lortu genuen; 2009an, berriz, 4,1 dolar upeleko lortu genuen.

Testuinguru horretan, Downstream-ek kudeatzen dituen findegiek 34,4 milioi tona petrolio gordin prozesatu zituzten; alegia, 2009. urtearekin alderatuta, % 2 gutxiago. Espainian, fintze ahalmenaren % 73,6 baliatu genuen batez beste;
2009an, berriz, % 74,5.

Perun, 2009an baino fintze ahalmen gutxiago baliatu genuen 2010ean, % 76,7tik % 71,2ra igaro baikinen. Epe ertainera eta luzera, gure proiektuak errentagarriak izatea aurreikusi dugu; izan ere, munduko ekonomia suspertzen hasi zen 2010ean, eta joera bera izango du 2011n ere, nazioarteko hainbat erakundek aurreikusi dutenaren arabera.

Ekoizpena

Fintze ahalmena

Gaiari lotutako estekak

• 2010eko urteko txostena                 

Espainiako Gobernuak FEDER funtsekin batera finantzatutako diru-laguntzak jaso ditu enpresa honek, Kanarietan salgaiak garraiatzeko.

• 
• 
• 
• 
• 
• 
• 

• 
• 
• 
• 
• 
•