Repsol

- Noiz egingo da Akziodunen hurrengo Ohiko Batzar Nagusia?

Akziodunen Ohiko Batzar Nagusia 2012ko maiatzaren 30erako deituta dago, 12:00etan lehen deialdia eta 2012ko maiatzaren 31n, ordu berean, bigarren deialdia. Batzarra bigarren deialdian egingo dela aurreikusten da, hau da, 2012ko maiatzaren 31n, 12:00etan. Hala ez balitz, aurrerapen nahikoaz iragarriko da egunkarietan eta Sozietateko web orrian (www.repsol.com).

- Non egingo da Akziodunen hurrengo Ohiko Batzar Nagusia?

Batzarra egiteko lekua Palacio Municipal de Congresos Jauregia da, Avenida de la Capital de España, Madril, zenbakirik gabe, metro geltokia Campo de las Naciones. Sozietateko web orrian (www.repsol.com), Batzar Nagusiari dagokion atalean, “Barrutirako sarbidea”, barrutira sartzeko planoa dago zure esku.

- Nork egiten du Akziodunen Ohiko Batzar Nagusiaren deialdia eta zer komunikabidez?

Administrazio Kontseiluak deitzen du Akziodunen Ohiko Batzar Nagusia, honako lekuetan argitaraturiko iragarki baten bidez: (i) Merkataritza Erregistroko Buletin Ofizialean; (ii) Egoitza soziala dagoen probintzian hedapen handienetakoa duen egunkari batean; (ii) Baloreen Merkatuko Batzorde Nazionaleko web orrian (www.cnmv.es); eta (iii) Sozietateko web orrian, (www.repsol.com), egin baino aurrerapen nahikoaz, eta gutxienez egiteko jarri den data baino hilabete bat (1) lehenago, Legeak berez beste eperik ezartzen ez baldin badu, orduan Legearen arabera egingo litzateke eta. 
 
Deialdiaren iragarkiaren kopia bidaltzen zaie, era berean, akzioek kotizatzen duten Burtsetara eta akzioak gordetzen dituzten erakundeetara, hauek dagozkien bertaratze, ordezkaritza eta boto emateko txartelak egin ditzaten.

- Ohiko Batzar Nagusiari buruzko zer dokumentazio uzten da akziodunen esku batzarraren aurretik?

Deialdiko iragarkiaren publikaziotik eta Ohiko Batzar Nagusia egiten den arte, Sozietateak bere web orrian (www.repsol.com) argitaratzen du, etengabe, bere borondatetik kanpo gera daitekeen ezintasun teknikoan zein ezinbesteko egoeran ez ezik, honako dokumentazioa: 
 
 
1.  Akziodunen Ohiko Batzar Nagusiaren deialdiaren iragarkia. 
 
2.  Deialdiaren datan dagoen akzio kopurua eta boto kopurua, guztira. 
 
3.  Repsol YPF-ko Urteko Kontuak, eta Repsol YPF Taldeak dituen Urteko Kontu Bateratuak, 2011ko abenduaren 31n itxi zen ekitaldiari dagozkionak. 
 
4.  Repsol YPF-ko Urteko Kontuez Kanpoko Auditoreen Txostena, eta 
Repsol YPF Taldeko Urteko Kontu Bateratuak, 2011ko abenduaren 31n itxi zen ekitaldiari dagozkionak. 
 
5.  Repsol YPF-ko Kudeaketa Txostena, eta Repsol YPF Taldeko Kudeaketa Bateratuaren Txostena, 2011ko abenduaren 31n itxi zen ekitaldiari dagokiona. 
 
6.  Baloreen Merkatuko Legearen 35. artikuluan aurreikusten den Kontseilarien erantzukizunaren deklarazioa, honek gorago aipatu diren beste hiru puntuekin batera osatzen du Sozietateko urteko txostena, 2011ko abenduaren 31n itxi zen ekitaldiari dagokiona. 
 
7.  Eguneko ordenaren puntuei dagokien adostasun-proposamenen testu literala, baita eguneko ordenaren puntuei dagokien adostasun-proposamen bakoitzari buruz egin diren Administrazio Kontseiluko txostenak ere. 
 
8.  Indarrean dauden Estatutu Sozialen, Akziodunen Batzar Nagusiaren Arautegiaren eta Administrazio Kontseiluaren Arautegiaren testu birmoldatuak. 
 
9.  Repsol YPF-ko Kontseilariei dagozkien Ordansarien Politikari buruzko Txostena, 2011ko abenduaren 31n itxi den ekitaldiari dagokiona. 
 
10. Gobernu Korporatiboaren Urteko Txostena, 2011ko abenduaren 31n itxi den ekitaldiari dagokiona. 
 
11. Auditoria eta Kontrol Batzordeko jardueren Memoria, 2011ko abenduaren 31n itxi zen ekitaldiari dagokiona. 
 
12. Erantzukizun Korporatiboaren Txostena, 2011ko abenduaren 31n itxi den ekitaldiari dagokiona. 
 
13. Akziodunen Ohiko Batzar Nagusirako bertaratze, ordezkapena eta urrutiko boto emateko txartela eredua. 
 
14. Izendapen eta Ordainsarien Batzordeko txostenak eta Administrazio Kontseiluko Arautegiko 22.2 artikuluko (b) letran aurreikusten den aditu independentearen Txostena, Kontseiluak baimendu dituen edo Kontseiluarekin lotzen diren jarduerak direla eta, aipatu artikuluko (c) letran aurreikusten denaren arabera. 
 
Era berean, deialdiaren osagarria dagoenean, Sozietateak bere web orriaren bidez, (www.repsol.com), osagarria argitaratu zen datatik, eta etengabe, adosteko justifikaturiko proposamenen testua kaleratuko du, osagarria nori dagokion eta Sozietateari bidali diona. Era berean, Sozietateak bere web orrian proposamen berri arrazoituak argitaratuko ditu, deitutako Batzarrean jadanik gai-zerrendan sartuta dauden gaien edo sartu behar diren gaien kasuan.

- Non eta nola lor dezakete akziodunek 2012ko Batzar Nagusiari dagokion dokumentazioa?

Batzar Nagusiari dagokion dokumentazio guztia Sozietateko web orrian (www.repsol.com) egongo da eskuragarri, 2012ko Batzar Nagusiari dagokion atalean, eta Akziodunaren Informazio Bulegoan, Sozietateko egoitza sozialean (Paseo de la Castellana 278) ondoko ordutegian: astelehenetik ostiralera 10:00etatik 18:00etara. 
 
Era berean, Batzar Nagusia egiteko aukeratu den lekuan, berau egiten den egunean, akziodunen esku egongo dira dokumentazioa emateko zenbait gune.

- Zer da deialdiaren osagarria eta nork eska dezake?

Batzar Nagusiaren deialdia argitaratutakoan, kapital sozialaren gutxienez % 5 duten akziodunek haren osagarria argitzeko eska dezakete, bileraren eguneko gai-zerrendan puntu bat edo gehiago sar dadin, puntu berri hauek justifikazioa izan behar dute, edota adostasun arrazoituaren proposamen bat. 
 
Eskubide hau gauzatu behar da Sozietateari bidalitako ohar fede-emaile baten bidez, eta egoitza sozialean jaso behar da deialdia argitaratu eta hurrengo bost (5) egunen barruan. 
  
Deialdiaren osagarria hasierako deialdia argitaratu zen baliabide berberetan kaleratuko da, Batzar Nagusiaren bilera baino, gutxienez, hamabost (15) egunen aurrerapenez.

- Gai-zerrendan dauden gaiei buruzko adostasun-proposamen berriak egin daitezke?

Kapital sozialeko gutxienez % 5 duten akziodunek deitutako Batzarreko gai-zerrendan jadanik sartuta dauden eta sartu behar diren gaiei buruzko adostasun-proposamen arrazoitu berriak egin ditzakete. 
 
Eskubide hau Sozietateari bidalitako ohar fede-emaile baten bidez gauzatu behar da, bertan egiaztatu behar da esandako portzentajearen jabetza eta egoitza sozialean deialdia argitaratu eta hurrengo bost (5) egunetan jaso beharko da. 
 
Sozietateko web orrian (www.repsol.com) adostasun-proposamen arrazoitu berrien testu osoa argitaratuko da, baita kasuak kasu ondoan eransten den dokumentazioa ere, beste akziodunen artean bana dadin bermatzeko.

- Akziodunek nola egin ditzakete iruzkinak edo galderak Batzar Nagusiari buruz?

Momentu oro akziodunek, norberaren nortasuna ezagutzera eman ostean, Akziodunaren Informazio Bulegoaren bidez (telefonoa 900 100 100, Posta bidez, helbidea Paseo de la Castellana 278-280, 28046 Madril edo posta elektroniko bidez, infoaccionistas@repsol.com) Sozietateko jarduera eta interesekin zerikusia duten galderak edo iradokizunak egin ahal izango dituzte, Akziodunen Batzar Nagusian jorratu beharrekoak direla uste baldin badute. 
 
Batzar Nagusia deituta eta lehen deialdian zehaztu den dataren aurreko zazpi (7) egunetan, akziodunek baliabide berberak erabili ahal dituzte, idatziz iruzkinak edo iradokizunak egiteko, gai-zerrendan sartutako proposamenak direla eta.   
 
Sozietateko Zerbitzuek akziodunen galderak, iradokizunak eta iruzkinak aztertuko dituzte, eta kasuak kasu modu taldekatuan erantzunak kaleratuko dira Sozietateko web orrian (www.repsol.com) edo, Administrazio Kontseiluaren iritziz bidezkoa izango balitz, Akziodunen Batzar Nagusian jorratuko dira, Gai-zerrendan ez badaude ere. 
 
Era berean, kapital sozialeko gutxienez % 5 duten akziodunek ondoko hau eskatzeko eskubidea dute: (i) Batzarreko deialdiaren osagarria argitara dadin, gai-zerrendan puntu bat edo gehiago sartzeko eskatuz, puntu berriek justifikazioa baldin badakarte edo, kasuak kasu, adostasun-proposamen arrazoitu bat; eta (ii) Adostasun-proposamen arrazoitu berriak aurkeztu ahal dituzte, deitutako Batzarreko gai-zerrendan daudenak edo sartu behar direnak. 
 
Eskubide hauek gauzatu behar dira ohar fede-emaile baten bidez, egoitza sozialean deialdia argitaratu eta hurrengo bost (5) egunetan jaso behar dena.

- Nork du eskubidea Akziodunen Batzar Nagusira joateko?

Batzar Nagusira etorri ahal dute Konpainiako akziodun guztiek, daukaten akzio kopurua kontuan izan gabe, baina Batzarra egin baino bost (5) egun lehenago dagokion erregistro kontularian erroldatuta egon behar dute eta dagokion bertaratze, ordezkaritza eta boto txartela izan behar dute.  
 
Bertaratze, ordezkaritza eta boto txartelen erregistroa Batzarra egiteko zehaztu den ordua baino bi (2) ordu lehenago hasiko da.

- Zer egin behar da Batzarrerako bertaratze, ordezkaritza edo boto txartela jaso ez edo galtzen baldin bada?

Zure akzioak gordeta dauden finantza erakundera jo behar duzu, bertan txartelaren kopia emango dizute, edo honen ezean akzioduna zarela egiaztatzen duen ziurtagiria, edo zure datuekin Sozietateko web orrian (www.repsol.com) bertaratze, ordezkaritza eta boto txartelaren eredua bete ahal duzu eta ale honekin Batzar Nagusira joan eta botoa eman.

- Zer egin behar dut bertaratze, ordezkaritza eta boto txartelean agertzen den daturen bat zuzena ez bada?

Txarteleko datu pertsonaletan aldaketak egiteko, bai Batzar honetan edo ondokoetan, zure akzioak gordeta dauden finantza erakundera joan behar duzu eta bertan zure datuen aldaketa jakinarazi. 
 
Dena dela, jaso duzun bertaratze txartelarekin Batzar Nagusira etorri eta botoa eman ahal duzu, zure izen-deiturak, identifikazio fiskalerako zenbakia (IFZ) eta akzio kopurua zuzenak baldin badira. Datuak okerrak izango balira, Sozietateko web orrian (www.repsol.com) eta Akziodunaren Informazio Bulegoan dagoen bertaratze, ordezkaritza eta boto txartelaren eredua datu zuzenekin bete behar duzu eta txartel horrekin Batzar Nagusira etorri eta parte hartu ahal izango dugu.

- Nola lortu ahal dut Espainiako Ziurtagirien Aginte Publikoak (CERES-ek), Diruaren eta Zerga-zigiluaren Fabrika Nazionalaren menpekoak, ematen duen ziurtagiri elektroniko aintzatetsia, nire eskubideak baliabide elektronikoen bidez gauzatzeko?

Diruaren eta Zerga-zigiluaren Fabrika Nazionalaren web orrian (www.fnmt.es), Erabiltzailearen Ziurtagiria lortzeko informazio zehatza aurkituko duzu.

- Akzioduna etor al daiteke Batzar Nagusira senide edo hirugarren batek lagunduta?

Akzioduna Batzar Nagusira senide edo hirugarren batek lagunduta etor daiteke, pertsona horiek era berean Sozietateko akziodunak edo akziodun baten ordezkariak baldin badira.

- Bertaratze txartelean hainbat jabe agertzen badira, zenbatek joan ahal du Batzar Nagusira?

Haietako bakar batek etorri ahal du Batzar Nagusira, beste jabeek akziodunen eskubideak gauzatzeko aukeratutakoa.

- Akziodunek nola eska ditzakete txostenak edo argibideak, Batzar Nagusiko gai-zerrendaren inguruan?

Bilera egin aurretik zazpi egun lehenagora arte akziodunek badute, Akziodunarentzako Informazio Bulegoaren bidez eta beren egoera egiaztatuz, Administrazio Kontseiluari gai zerrendari buruzko beharrezko informazioa edo argibideak eskatzeko edo beharrezkoak iruditzen zaizkien galderak idatziz egiteko eskubidea. Akziodunek, era berean, eskatu ahal izango dituzte informazioak edo azalpenak, edo publikoaren esku dagoen informazioaz, Sozietateak Baloreen Merkatuko Batzorde Nazionalak azken Batzar Nagusia egin zenetik emandakoaz, eta auditorearen txostenaz galdera idatziak egin ahal izango dituzte.  
 
Era berean, Batzar Nagusia egiten den bitartean, Sozietateko akziodunek hitzez eskatu ahal dituzte egoki deritzen informazioak edo azalpenak, gai-zerrendan dauden kontuez, eta akziodunaren nahia momentu horretan ezin bada bete, Administrazio Kontseiluak informazio hori, modu idatzian, eman beharko du Batzarra burutu eta hurrengo zazpi (7) egunetan.  
 
Administrazio Kontseiluak eskatutako informazioa eman behar du, ez bada, presidentearen aburuz, eskatutako informazioak interes sozialaren kalterako eta aipatu eskabideak kapital sozialaren gutxienez % 25 duten akziodunen laguntza ez badu. Informazio eskabideak ez ditu zertan erantzun, baldin eta galdera egin baino lehen informazio hori Sozietateko web orriaren (www.repsol.com) ohiko galderen atalean argi eta garbi akziodun guztien esku baldin badago.

- Akziodunak nola bidal dezake bere ordezkaria Batzar Nagusira?

Batzarrera ez doazen akziodunek botoa ordezkatu ahal dute edozein pertsona fisiko zein juridikorengan, akzioduna izan ala ez, ordezkapena egin diezaien. Ordezkapena idatziz edo urrutiko komunikabideen bidez eman behar da, Batzar bakoitzean bereziki, Kapital Sozietateen Legeak 187. artikuluan ezartzen duena salbu, hau da, ordezkaria ordezkatuaren ezkontidea, aurrekoa, ondorengoa edo agiri publikoan emandako botere orokorra duena, ordezkatuak lurralde nazionalean dituen ondasunak administratzeko botereduna den kasuetan ez ezik.
 
Akziodunak idatziz edo baliabide elektronikoen bidez jakinarazi behar du nor den bere ordezkaria, haren aldeko emandako ordezkaritza. Ordezkaritza Administrazio Kontseiluko kide baten alde ematen denean, jakinarazpena egintzat emango da Sozietatean informazio hau dakarren oharra jasotzen denean.  
 
Akziodunak, era berean, Sozietateari jakinarazi behar dio, idatziz edo baliabide elektronikoaz, bai ordezkariaren izendapena bai, kasuak kasu, haren ezeztapena.  
 
Ordezkariaren izendapena Sozietateari jakinarazitzat emango da ondoko kasuetan: (i) Akziodunaren Informazio Bulegora bertaratze, ordezkaritza eta boto txartela, posta bidez, bidaltzen denean; (ii) akziodunak ordezkaritza Sozietateko web orrian (www.repsol.com) ematen duenean, edota (iii) ordezkariak bertaratze, ordezkaritza eta boto txartela akziodunen sarrerako erregistroetan erakusten duenean, Batzarra egiteko zehaztu den egun eta lekuan. 

Emandako ordezkaritza ezeztatu ahal da?

Ordezkaritza beti da ezeztagarria. Ordezkatua bera Batzarrera baldin badoa, edo aipatu akziodunak urrutiko botoa erabiltzen badu, bai bide elektronikoaz bai postaz, edozein ordezkaritza ezeztatutzat ematen da, haren data edozein izanik ere.

Nola eman daiteke ordezkaritza urrutiko komunikabideen bidez?

Ordezkaritza emateko baliagarriak diren urrutiko komunikabideak ondokoak dira: posta bidezko gutuna eta baliabide elektronikoak. 
 
Posta bidezko gutuna  
 
Ordezkaritza postaren bidez emateko,
IBERCLEAR-en parte hartzen duen erakundeak (bertan akziodunak akzioak gordeta dituela) emango dion bertaratze, ordezkaritza eta boto txartelaren "Ordezkaritza" atala bete behar dute akziodunek, edo Sozietateko web orrian (www.repsol.com) eta Akziodunaren Informazio Bulegoan eskuragarri dagoen eredua behar bezala bete beharko dute.

Akziodunak izenpetu behar du -eskuz- atal hori eta Sozietatera bidali behar da, Akziodunaren Informazio Bulegora, Paseo de  la Castellana 278, 28046 Madril edo Batzar Nagusiaren egunean ordezkaritza egiteko aukeratu den pertsonari. 
 
Baliabide elektronikoak  
 
Akziodunak eman dezake bere ordezkaritza Sozietateko web orriaren bidez (www.repsol.com), 2012ko Akziodunen Batzar Nagusiari emandako atalean sartuz eta bertan zehazten den prozedurari jarraituz; honetarako nahitaezkoa da NAN elektronikoa edo sinadura elektroniko ezaguna edo aurreratua, indarrean dagoen eta Espainiako Ziurtagiri Publikoen Erakundeak (CERES-ek), Diruaren eta Zerga-zigiluaren Fabrika Nazionalaren menpekoak, emandako ziurtagiri elektroniko batean oinarrituta, eta gailu horietako baten bidez nortasuna bermatzen baldin badu.

Zein da emandako ordezkaritzak jasotzeko epea?

Posta arruntez edo elektronikoz emandako ordezkaritza ontzat emateko, Sozietateak 2012ko maiatzaren 29ko 09.00ak baino lehenago jaso behar du Ondoren, Sozietateak ordezkaritza eta bertaratze-ziurtagirien bidez esleitutako ordezkaritzak eta botoak bakar-bakarrik onartuko ditu, ziurtagirietan esleipen idatziz. Bertaratze-ziurtagiriak akziodunak sartzeko erregistroan aurkeztu beharko dira, Akziodunen Batzar Nagusia egiteko adierazitako lekuan eta datan.

Zer gertatzen da Sozietateak jaso duen ordezkaritzako agirian ez badago ordezkariaren izenik?

Sozietatean, ordezkaritzaren dokumentua jasotzean, ordezkariaren izena idazteko hutsunea zuriz badago, ordezkaritza Administrazio Kontseiluko presidenteari emango zaio eta, hau ez egotekotan, Akziodunen Batzar Nagusiko Idazkariari.

Zer gertatzen da ordezkaritza dagoen agirian argibideen laukiak markatzen ez badira?

Ordezkaritzak biltzen dituzten dokumentuetan, botoa emateko argibideak emango dira eta, argibideei dagozkien laukitxoak markatu ezean, ordezkariak Administrazio Kontseiluak egindako proposamenen alde botoa emateko argibide zehatzak emango dituela ulertuko da.

Zer gertatzen da Administrazio Kontseiluak eman ez dituen adostasun-proposamenekin, edo legearekin bat Batzarrean bozkatu daitezkeen baina bilera eguneko gai-zerrendan ez dauden kontuekin?

Ordezkatutako akziodunak beste ezer adierazi ezean, ahalordetzea Administrazio Kontseiluak formulatu ez dituen hitzarmen proposamenetara edo batzarrean bota daitezkeen gaietara hedatuko da, azken hauek bileraren gai zerrendan ez badaude ere, Legeak hala onartzen duelako. Kasu honetan, akziodunak besterik zehaztu ezean, ulertzen da ordezkariari ezezko botoa emateko argibide zehatza eman diola..  
 
Kapitaleko Sozietateen Legearen 523 eta 526. artikuluetan zehazten denaren arabera, ondokoa jakinarazten da: (i) Administrazio Kontseiluko presidentea eta Kontseiluko beste kideak interes-gatazka baten egoeran egon litezke Gai-zerrendako bigarren (Repsol YPF-ko Administrazio Kontseiluko kudeaketaren azterketa eta aprobazioa, hala badagokio, 2011ko ekimen soziala dela eta) eta hamabosgarren (Repsol YPF-ko Kontseilarien Ordainsarien Politikari buruzko Txostenaren kontsulta bozketa) puntuak direla eta; (ii) Gai-zerrendako zazpigarren ( Isidro Fainé Casas jauna Kontseilari berrautatu)etazortzigarren (Juan María Nin Génova jauna Kontseilari berrautatu) puntuak direla eta; eta (iii) Legeak baimenduko balu, Batzarrean ondoko ataletan aipatzen diren proposamen bat edo beste aztertzekotan, b. (kargu-gabetzea, kargutik aldentzea edo kargu-uztea) edo c. Kapital Sozietateen Legearen 526. artikuluaren (erantzukizunaren jarduera soziala erabiltzea), eragina duten kontseilariak, hauek bozkatzean, interesen gatazkan gertatuko lirateke.

Nola eman daiteke botoa urrutiko komunikabideen bidez?

Urrutiko botoa emateko baliagarriak diren urrutiko komunikabideak posta arrunta eta baliabide elektronikoak dira. 
 
Posta bidezko gutuna  
 
Botoa posta arruntaren bidez emateko, gai-zerrendan dauden puntuak direla eta, akziodunak IBERCLEAR-en parte hartzen duen erakundeak, bertan akziodunak akzioak gordeta dituela, emango dion bertaratze, ordezkaritza eta boto txartelaren "Urrutiko botoa" atala bete behar du, edo Sozietateko web orrian (www.repsol.com) eta Akziodunaren Informazio Bulegoan eskuragarri dagoen eredua behar bezala bete behar du.. 
 
Akziodunak txartela izenpetu behar du -eskuz- dagokion atalean eta gero akziodunak helarazi behar dio Sozietateari, Akziodunaren Informazio Bulegora, Paseo de la Castellana 278, 28046 Madril. 
 
Baliabide elektronikoak  
 
Akziodunak botoa eman dezake, Batzar Nagusiko Gai-zerrendako puntuak direla eta, Sozietateko web orriaren bidez (www.repsol.com), 2012ko Batzar Nagusiaren atalera sartuz eta bertan dagoen prozedurari jarraituz, NAN elektronikoa edo sinadura elektroniko ezaguna edo aurreratua, indarrean dagoen eta Espainiako Ziurtagiri Publikoen Erakundeak (CERES-ek), Diruaren eta Zerga-zigiluaren Fabrika Nazionalaren menpekoak, emandako ziurtagiri elektroniko batean oinarrituta, eta gailu horietako baten bidez nortasuna bermaten baldin badu.

Zein da urrutiko botoak jasotzeko epea?

Posta arruntez edo elektronikoz emandako botoa ontzat emateko, Sozietateak 2012ko maiatzaren 29ko 09.00ak baino lehenago jaso behar du Ondoren, Sozietateak Batzarraren jardueran bertaratutakoek igorritako botoak soilik onartuko ditu.

Zer gertatzen da, Gai-zerrendako puntu bat edo beste dela eta, urrutiko botoa ematen duen akziodunak horretarako markatuta dauden laukiren bat markatuko ez balu?

Gai zerrendaren puntuei dagokienez urrutiko botoa ematen duen akziodunak xede horretarako bete behar diren laukiren bat betetzen ez badu, Administrazio Kontseiluaren adostasun-proposamenaren alde bozkatzen duela esan nahi du.

Zein dira urrutiko botoari eta ordezkaritzari aplikatzen zaizkion lehentasun arauak?

Aldez aurretik urrutiko botoa edo ordezkapena edo dena delako metodoa erabili duen akzioduna bera Batzar Nagusira agertzen baldin bada, ordezkaritza edo boto hura baliogabe geratuko da.  
 
Ordezkapena ezeztatzen da ordezkaturiko akziodunak urrutiko botoa ematen badu.  
 
Emandako botoa eta komunikabide elektroniko bidez emandako ordezkaritza gailenduko dira posta arruntean bidalitakoen aurrean.

- Zer baldintza izan behar dira Batzar Nagusia modu egokian osa dadin?

Batzar Nagusia modu egokian egongo da eratuta lehen deialdian akziodunek (akziodunak berak edo ordezkariak) gutxienez boto eskubidedun kapital harpidetuaren % 25 dutenean. 

Bigarren deialdian, Batzar Nagusia ongi eratuta egongo da dagoen kapital zenbatekoa dagoela ere. 

Ohiko edo Ezohiko Batzar Nagusian obligazio-jaulkipenak, kapitalaren haztea edo murriztea, sozietatearen aldaketa, bat egitea, bereizketa edo deuseztapena, eta oro har, sozietatearen estatutuen aldaketa modu egokian adostu ahal izateko beharrezkoa izango da lehen deialdian boto eskubidedun kapital harpidetuaren % 50 bertan izatea (akzioduna bera edo ordezkariak). Bigarren deialdian, nahikoa izango da aipatutako kapitalaren % 25 bertan egotea.

- Noiz hitzartu ahal izango du Batzar Nagusiak modu egokian Sozietatearen Estatutu aldaketa?

Batzar Nagusiak, modu baliozkoan, Sozietatearen Estatutuen aldaketa adostu ahal du Batzarrean ordezkaritza duen edo presente dagoen kapitalaren gehiengoaren aldeko botoarekin, lehen deialdian boto eskubidea duen kapital harpidetuaren ordezkaritza duten edo presente dauden akziodunen gutxienez % 50. Bigarren deialdian, boto eskubidedun kapital harpidetuaren % 50 baino gutxiago ordezkatzen duten akziodunak bertaratzen direnean, sozietatearen estatutuak aldatzeko hitzarmenak modu egokian adostu ahal izateko bertaratutako edo batzarrean ordezkatutako kapitalaren bi herenek aldeko botoa eman behar dute.

- Nor da Akziodunen Batzar Nagusiko presidentea?

Batzar Nagusiaren buruan Administrazio Kontseiluko presidentea dago, hau egon ezean, presidenteordea, honen ezean bilerara bertaratu diren akziodunek kasu bakoitzean aukeratu duten akzioduna. 
 
Presidenteak Idazkariaren laguntza izango du, berau Administrazio Kontseilukoa izango dira, honen ezean Administrazio Kontseiluko Idazkariordea egongo da eta hau egon ezean, Batzarrak aukeratzen duena egongo da.

- Akziodunen Batzar Nagusian akziodunek esku har dezakete?

Presidenteak, ekitaldiari buruzko txostenari eta Batzar Nagusian aztertuko diren gaiei ekin aurretik eta ekintzaren garapena errazte aldera, hitza hartu nahi duten akziodunei Mahaiko laguntzaileengana jo dezaten eskatzen die, bertaratze txartela erakutsiz, esku hartze txandak antolatzeko. 
 
Presidentearen azalpena, ekitaldiko gertakari garrantzizkoenak direla eta, amaituta, honek hitza eskatu duten akziodun jaun-andreei txanda ematen die, eztabaida Gai-zerrendak zehazten dituen mugen artean zuzenduz eta mantenduz, Kapital Sozietateen Legearen 223.1 eta 238. artikuluetan zehazten dena salbu. Presidenteak amaitutzat joko du eztabaida, bere ustez, eztabaida nahikoa izan denean.

- Nola lortu daitezke akordioak Akziodunen Batzar Nagusian?

Hitzarmenak Batzarrean presente dagoen eta ordezkatuta dagoen eta eskubidea duen kapitalaren gehiengoaren aldeko botoaz onartu behar dira, Legean eta Estatutuetan aurreikusten diren salbuespenak izan ezik. 
 
Presidenteak besterik erabaki ez ezik, hitzarmenak onartzeko prozesua deialdian aurreikusten den gai-zerrendak ezartzen duen ordenan gauzatuko da. Lehenik eta behin, Administrazio Kontseiluak kasu bakoitzean proposatutako hitzarmen-proposamenak bozkatuko dira, eta, jarraian, gainerako akziodunek aurkeztutakoak bozkatuko dira denboraldi baterako lehentasun-ordenaren arabera. Edozein kasutan, hitzarmen-proposamena onartu ostean, proposamen horrekin bateragarriak ez diren gainerakoak bertan behera geratuko dira automatikoki, bozketa egin beharrik gabe. Gai-zerrendan egon gabe Batzarrak erabaki ahal dituen kontuei buruzko proposamenak egin baldin badira, presidenteak erabakiko du zein ordena jarraituko den botoa emateko. 
 
Normalean, eta presidentearen aburuz boto ematean aho batez edo eskua altxatuaren sistema erabiltzeko aukera baztertu gabe, adostasuna lortzeko bozketa ondoko prozedurari jarraituz egingo da:  
 
(i)  Gai-zerrendan sartuta dauden kontuei buruzko adostasun-proposamenen bozketan dedukzio negatiboaren sistema erabiliko da. Dagozkion xedetarako, bertan presente edo ordezkatuta dauden akzio guztiak aldeko bototzat hartuko dira, aurkako botoa edo abstentzioa izango dutenen jabeen edo ordezkatuen botoak kenduko direlarik, horretarako norberaren botoa edo abstentzioa Notarioari (edo, honen ezean, Idazkariari edo laguntzaileei) jakinaraziko zaio, aktan jaso dadin, (b) aurkako botoa eman duten edo zehazki abstentzioa, Arautegi honen arabera baliozkoak diren urrutiko komunikabideen bidez agertu duten jabeen akzioei dagozkien botoak eta (c) jorratzen ari den adostasun-proposamenari botoa eman aurretik bilera utzi duten jabe edo ordezkarien akzioei dagozkien botoak, eta Notarioaren aurrean (edo honen ezean, Idazkariaren edo laguntzaileen aurrean) gela utzi dutela jakinarazi dutenak. 
 
(ii) Gai-zerrendan ez dauden kontuei buruzko adostasun-proposamenen bozketa dedukzio positiboaren sistemaren bidez gauzatuko da. Dagozkion xedetarako, aurkako bototzat hartuko dira bertan presente dauden edo ordezkatuta dauden akzio guztiei dagozkionak, hauei kendu behar zaizkie (a) aldeko botoa eman nahi duten edo abstenitu nahi duten jabeen edo ordezkarien akzioei dagozkien botoak, norberaren botoa edo abstentzioa Notarioari (edo honen ezean, Idazkariari edo laguntzaileei) jakinarazi diotelarik aktan jaso dadin eta (b) jorratzen ari den adostasun-proposamenaren bozketaren aurrean bilera utzi duten jabe edo ordezkarien botoa eta bilera utzi dutela Notarioari (edo honen ezean saioko Idazkariari edo laguntzaileei) jakinarazi diotenak. 
 
(iii) Notarioari edo Idazkariari zuzendutako jakinarazpenak edo komunikazioak, botoaren zentzua edo abstentzioa dela eta aurreko bi ataletan aurreikusten direnak, egin daitezke banan banan, adostasun-proposamen bakoitzeko, edo taldeka zenbait proposamenetan edo guztietan, Notarioaren aurrean (edo honen ezean saioko Idazkariaren edo laguntzaileen aurrean) akziodunaren edo ordezkariaren nortasuna jakinaraziz, nork egiten duen, dagozkien akzio kopurua eta botoaren zentzua, edota abstentzioa. 
 
(iv) Gai-zerrendan sartuta ez dauden kontuei buruzko hitzarmenak hartzeko, ez dira presentetzat edo ordezkatutzat hartuko Batzarrean, Batzarra egin baino lehen, urrutiko baliabideen bidez parte hartu duten akziodunak. Era berean, Kapital Sozietateen Legearen 526.1 artikuluak aipatzen dituen hitzarmenak hartzeko, ez dira ordezkatutzat, ezta presentetzat hartuko, arau horretan ezartzen dena aplikatuz boto eskubidea erabili ezin duten akzioak.

Nola onartzen da Batzar Nagusiaren akta?

Batzordearen akta Batzordeak berak onartu ahalko du Batzarra egin ostean, eta, hala egin ezean, presidenteak eta honen bi kontu-hartzailek, bata gehiengoaren ordezkaritzan eta bestea gutxiengoarenean, hamabost (15) egunen barruan onartuko dute. Modu bi hauetan onartu den akta indarrean egongo da onartzen den datan. 
 
Batzarra Notario baten laguntzaz egingo balitz, notarioaren akta Batzarreko aktatzat hartuko da, beraz ez dago onartu beharrik eta bertan jasota geratzen diren hitzarmenak indarrean sartuko dira burutzen den datan. 

Ohikoa da Administrazio Kontseiluak, Kapital Sozietateen Legearen 203. artikuluan aurreikusten denaren arabera, Batzar Nagusian Notario baten laguntza behar izatea, bileraren akta jaso dezan. Era berean, Administrazio Kontseiluak akta egin beharko du gutxienez kapital sozialaren % 1 ordezkatzen duten akziodunek hala eskatzen dutenean.

Zein da Foroaren helburua?

Foroa bideratzen da Sozietateko akziodunen arteko komunikabidea errazteko, deialditik Akziodunen Batzar Nagusia egiten den arte. Akziodunak bertara sar daitezke web korporatiboaren bidez (www.repsol.com), deialditik Akziodunen Batzar Nagusia egiten den arte.

Nork erabil dezake akziodunen Foro Elektronikoa?

Foroaren sarbidea eta erabilera erreserbatzen zaie Sozietateko akziodun norbanakoei, baita akziodunen elkarte boluntarioei, legez osatu eta Baloreen Merkatuko Batzorde Nazionalak horretarako gaitu duen erregistro berezian harpidetu direnak, Kapital Sozietateen Legearen 539.2 artikuluan eta garapen arautegian ezartzen denaren arabera.

Nola sar naiteke Foroan?

Foroan sartzeko, akziodunek sartzeko pasahitz berezia lortu behar dute web orrian (www.repsol.com), horretarako Foroaren argibideak eta erabilpen baldintzak kontuan hartuta, 2012ko Akziodunen Batzar Nagusiari eskaintzen zaion esparruan ikus daiteken bezala. Pasahitza lortzeko akreditazioa egin daiteke, modu orokorrean, bai NAN elektroniko bidez, bai sinadura elektroniko ezaguna edo aurreratua, Espainiako Ziurtagirien Aginte Publikoak (CERES-ek), Diruaren eta Zerga-zigiluaren Fabrika Nazionalaren menpekoak, ematen duen ziurtagiri elektroniko aintzatetsia.

Zer mezu mota bidal dezaket?

Foroan honako hauek argitaratu ahal dira: 

• Gai-zerrendako puntu berriak, Ohiko Batzar Nagusiaren deialdian osagarri bezala aurkeztu nahi direnak, egiteko proposamenak, dagokion justifikazioarekin edo adostasun-proposamen arrazoituarekin batera. 
  
• Halako proposamenekin bat egiteko eskabideak. 
  
• Legeak aurreikusten duen gutxiengoaren eskubidea erabiltzeko ehuneko nahikoa duten ekimenak (adibidez, Batzarraren deialdian osagarri bat proposatzea, kapital sozialaren gutxienez % 5aren jabetza dutenean). 
  
• Ordezkapen boluntarioa egiteko eskaintzak edo eskaerak. 
   
  Era berean, akziodunek, zehaztu den epean eta moduan, aurkeztu ahal dituzte gai-zerrendan dauden edo sartu behar diren kontuei buruzko adostasun-proposamen arrazoituak.  

Nola gauzatu ahal ditu akziodunak bere eskubideak, Foro Elektronikoaren bidez?

Akziodunek edo, ahal den neurrian, akziodunen elkarteek erabili nahi dituzten eskubide eta eskumen guztiak (bai informazioa jaso, proposamenak egin edo beste edozein) gauzatu beharko dituzte legez ezarrita dauden bideetatik, kasuan kasuko Legeak, estatutuek edo arautegiek, Sozietateko beste barne arauek eta deialdiaren iragarkiak aurreikusten dutenaren arabera, Foroa ez da inondik inora eragin hauetarako bide baliozkoa.

Sozietateari jakinarazpenak bidali ahal dizkiot Foro Elektronikoaren bidez?

Foroa ez da Sozietatearen eta akziodunen arteko komunikabidea. Honi jarraiki, Foroan egindako edo argitaratutako komunikazioa ez da, inolaz ere, Sozietateari egindako jakinarazpena, zehazki, akziodunek dituzten eskubideen gauzatzea, ez norbanakoa ez taldekoa, ez ditu Legeak, estatutuek, arautegiek eta beste barneko arauek jartzen dituzten eskakizunak ordezkatzen, akziodunen eskubide horiek zein ekimen edo jarduerak gauzatzea edo aurrera eramatea dela eta.