Repsol

Sentiberatasun azterketa

Konpainiak merkatu arriskuaren jarraipena egiten du, sentsibilitateei dagokiena. Horiek beste arrisku neurri batzuen bidez osatzen dira, arriskuen izaerak hala eskatzen duen kasuetan.

Jarraian deskribatutako merkatu arrisku bakoitzak tresna finantzarioek beraiekin dakartzaten arrisku nagusien sentsibilitate analisia barne hartzen du, emaitzak eta ondareak jasan dezaketen eragina agerian utziz (“balio aldaketengatiko doikuntzak” osatzen dituzten epigrafeetan), 7. NIIF arauak (Finantza tresnak: eman beharreko informazioa) eskatzen duenaren arabera. 

Sentsibilitate analisiak bilakaera historikoko arrisku faktore adierazgarrien aldaketak erabiltzen ditu. Egindako estimazioak aldeko zein kontrako aldaketen adierazgarri dira. Emaitzek edo/eta ondareak jasan dezakeen eragina, taldeak ekitaldi bakoitza ixtean dituen finantza tresnen arabera kalkulatzen da.

a) Kanbio tasa arriskua: 

Taldearen emaitzak eta ondarea, lan egiteko erabiltzen ditugun moneten kanbio tasen aldaketaren eraginpean daude. Eragin handiena sorrarazten duen dibisa Estatu Batuetako dolarra da.

Repsol YPF-k finantziazioaren zati bat dolarretan jasotzen du, zuzenean zein kanbio tasaren deribatuak erabiltzearen bidez (ikus 21. oharra).

Jarraian zehaztuta daude emaitza garbiaren eta ondarearen sentsibilitatea, taldeak abenduaren 31n dituen finantza tresnen eraginaren eta kanbio tasaren balioa igotzearen edo jaistearen ondorio gisa:

Euroaren kanbio tasaren aldaketaren eragina, dolarrarenarekin alderatuta:

Horrez gain, 2010eko abenduaren 31n taldeak zituen tresnengatik, dolarraren balioa %5 hasteak, Brasilgo errealarekin eta Argentinako pesoarekin alderatuta, 2010eko emaitza garbiaren aldaketa antzekoa izatea ekarriko luke (-4 milioi euroko eta 53 milioi euroko zergen ondoren, hurrenez hurren). Aldiz, 2009an 2 milioi euroko eta 35 milioi euroko gehikuntza ekarriko luke, hurrenez hurren. 

Bestalde, euroaren balioa %5 igotzeak, Brasilgo errealarekin eta Argentinako pesoarekin alderatuta, 2010eko ondarea -0,9 milioi euro eta -1,5 milioi euro jaistea, ekarriko luke, hurrenez hurren. Aldiz, 2009an ondarea 18 milioi eta 1 milioi euro areagotuko litzateke, hurrenez hurren. 

b) Interes tasa arriskua: 

Interes tasen aldaketek interes tasa aldakorrari erreferentzia egiten dioten aktiboen eta pasiboen interesengatiko diru-sarrerari edo gastuari eragin diezaiokete; era berean, interes tasa finkoa duten finantza aktiboen eta pasiboen arrazoizko balioa alda dezakete. 

Finantza kargetan edo zorraren merkatu balioan aldaketa arriskua arintzeko, Repsol YPF-k interes tasen deribatuak kontratatzen ditu. Deribatu horiek zenbagarri gisa izendatzen dira, oro har, estaldura tresna gisa (ikus 21. oharra).

2010eko eta 2009ko abenduaren 31n, finantza zor garbia, tasa finkoan, 9.917 eta 7.745 milioi eurokoa zen, hurrenez hurren, lehentasunezko akzioak barne (ikus "Kapitalaren kudeaketa" atala, ohar honen amaieran). Zenbateko horiek finantza zor garbi osoaren % 90 eta % 53 hartzen dute, hurrenez hurren, lehentasunezko akzioak barne hartuta. 

Jarraian zehaztuta daude emaitza garbiaren eta ondarearen sentsibilitatea, taldeak abenduaren 31n dituen finantza tresnen eraginaren eta interes tasen aldaketen ondorio gisa:

c) Salgaien prezio arriskua: 

Merkataritza eragiketen eta jardueren ondorioz, taldearen emaitzak petrolioaren, gas naturalaren eta horietatik eratorritako produktuen prezioen aldatzeko arriskuaren eraginpean daude. 

Repsol YPF-k arrisku horien gaineko deribatuak kontratatzen ditu, prezio arriskua gutxitzeko. Deribatu horiek emaitzen estaldura ekonomikoa eskaintzen dute, aitorpen kontablerako beti estaldura gisa izendatzen ez badira ere (ikus 21. oharra). 

2010eko eta 2009ko abenduaren 31n gordinen eta petrolio produktuen prezioa % 10 igotzeak edo jaisteak honako aldaketa hauek ekarriko lituzke emaitza garbian, taldeak egun horretan zituen finantza tresnek jasango luketen eraginaren ondorio gisa: 

Azken eguneratzea: 2011 ko martxoa k 26