Repsol

Administrazio Kontseiluko kideen ordainsaria

Ohar honetako a, b eta c ataletan azaldutako kontzeptuengatik Kontseilari Exekutiboek 6.779 milioi euro jaso dute ordainsari; kopuru hori nagusi den sozietateari egozten zaion aldiko emaitzaren % 0,14ra igo da.

a) Administrazio Kontseiluko kide izateagatik

Estatutu Sozialen 45. artikuluan ezarritakoaren arabera, Sozietateek ekitaldi bakoitzean mozkin likidoaren % 1,5eko kopuru baliokidea eman ahal izango die Administrazio Kontseiluaren kideei. Zenbateko hori soilik kenduko da legezko erreserbarako ekarpenak eta derrigorrezkoak diren beste guztiak bete eta akziodunentzat gutxienez % 4ko dibidendua onartu eta gero.

Izendapenen eta Ordainketen Batzordeak ezarritako eta onartutako sistemaren arabera, Taldeko gobernu korporatiboko organo bakoitzeko kide izateagatik, 2010 eta 2009 ekitaldietan, urtero jaso beharreko ordainsarien zenbatekoa ondokoa izan da:

Euroak
Gobernu Organoa	2010	2009
Administrazio Kontseilua	172.287	172.287
Batzorde Delegatua	172.287	172.287
Ikuskaritza eta Kontrol Batzordea	86.144	86.144
Estrategia, Inbertsio eta Erantzukizun Sozial Korporatiboaren Batzordea	43.072	43.072
Izendapen eta Ordainsarien Batzordea	43.072	43.072

2010ean, Administrazio Kontseiluko kideek jasotako ordainsarien zenbatekoa, bertakoak izateagatik estatutuen araberako ordainsariari gehituta, 4,910 milioi eurokoa da, ondokoa kontuan izanda:


Ordainsaria Administrazio Organoetako kide izateagatik (euroak)
	Kontseilua	B. Delegatua	Ikuskaritza B.	Izendapen B.	Estrat. B.	Guztira
Antonio Brufau	172.287	172.287	-	-	-	344.574
Luis Suárez de Lezo	172.287	172.287	-	-	-	344.574
Pemex internacional España,S.A.	172.287	172.287	-	-	43.072	387.646
Carmelo de las Morenas	172.287	-	86.144	-	-	258.431
Henri Philippe Reichstul	172.287	172.287	-	-	-	344.574
Paulina Beato	172.287	-	86.144	-	-	258.431
Javier Echenique	172.287	172.287	86.144	-	-	430.718
Artur Carulla	172.287	172.287	-	43.072	-	387.646
Luis del Rivero	172.287	172.287	-	-	-	344.574
Juan Abelló	172.287	-	-	-	43.072	215.359
José Manuel Loureda	172.287	-	-	43.072	43.072	258.431
Luis Carlos Croissier	172.287	-	-	-	43.072	215.359
Isidro Fainé	172.287	172.287	-	-	-	344.574
Juan María Nin	172.287	-	-	43.072	43.072	258.431
Ángel Durández	172.287	-	86.144	-	-	258.431
Mª Isable Gabarró Miquel	172.287	-	-	43.072	43.072	258.431

Bestalde, honako hau adierazi behar da:

Taldeko, multitaldeko edo kidetutakoren baten sozietateek ez diete Sozietate nagusiko Administrazio Kontseiluko kideei kreditu eta aurrerakinik ematen.
Taldeko sozietateek, multitaldeek ala kidetutakoek ez daukate inolako betebeharrik, pentsioei edota bizi-aseguruei dagokienean, sozietate nagusiko Administrazio Kontseiluko oraingo zein lehengo kideekin, presidente exekutiboaren eta idazkari nagusiaren kasua salbu; izan ere, kontseilari exekutiboak izaki, zerbitzuak eskaintzeko merkataritza-kontratuan hartutako konpromisoak bete behar dituzte, azken horietan ekarpen definituko sistemak barne hartzen direlako.

b) Zuzendaritza postuak eta funtzioak betetzeagatik

2010eko ekitaldian taldeko ardura exekutiboa hartzeagatik Administrazio Kontseiluko kideek jaso duten ordainsari finkoa 3,269 milioi eurora igo da. 2,310 Antonio Brufauri dagozkio eta 0,959 milioi euro Luis Suárez de Lezo-ri. Aipatu ordainsariak bat datoz 2009an kontzeptu beragatik jasotakoekin.

Gainera, espeziean jasotako ordainsaria (etxebizitza eta beste batzuk), urteko ordainsari aldagarria eta urte anitzeko ordainsari aldagarria (azken hau Pizgarrien Programako helburuak epe ertainera 2006-2009 aldiko zuzendariek zenbateraino bete dituztenaren arabera zehazten da), Antonio Brufau-k jasotakoak,
guztira 1,620 milioi eurora igo dira. Luis Suárez de Lezo-k aurretik programako parte-hartzaile izateagatik 0,666 milioi euro jaso du espeziean jasotako ordainsari, urteko ordainsari aldagarri eta urte anitzeko ordainsari aldagarri gisa.

Kopuru horiek ez dituzte kontuan hartzen ondoko e) atalean zehaztutakoak.

c) Filialen Administrazio Kontseiluko kide izateagatik

Taldeko, multitaldeko edo kidetutakoren baten sozietateko administrazio organoetako kide izateagatik 2010 ekitaldian Sozietate nagusiko Administrazio Kontseiluko kideek 0,536 milioi euro jaso zuten ordainsari, ondoko zehaztapenaren arabera:

Euroak
	YPF	Gas naturala	CLH	Guztira
Antonio Brufau	78.981	265.650	-	344.631
Luis Suarez de Lezo	77.554	103.500	9.921	190.975

d) Erantzukizun zibileko aseguru-sariagatik

Repsol YPF Taldeko zuzendaritzako kide eta administratzaile guztiak aseguratzen dituen erantzukizun zibileko poliza berak babesten ditu Administrazio Kontseiluko kideak.

e) Bizi eta erretiro aseguru-polizengatik eta pentsio-planen eta iraunkortasun-sarien ekarpenagatik.

Taldean ardura exekutiboak dituzten Administrazio Kontseiluko kideen inguruan Konpainiak dituen erretiro-, elbarritasun- eta heriotza-aseguruen polizek eta pentsio planen eta iraunkortasun sarien ekarpenek (kontuetara egindako diru-sarrerak barnean hartuz) 2,784 milioi euroko gastua eragin dute 2010ean. 2,496 milioi euro dagozkio Antonio Brufauri eta 0,288 milioi euro Luís Suárez de Lezo-ri.

f) Pizgarriak

Konpainian kargu exekutiborik ez duten kontseilariek ez dute urte anitzeko ordainsari aldagarririk jaso.