Repsol

Mario Fernández Pelaz

Izendapen eta Ordainsari Batzordeko kidea
Kanpo kontseilari independentea

Bilbo, 1943. Zuzenbidean lizentziatua Deustuko Unibertsitatean, 1965ean. Merkataritza Zuzenbideko irakasle izan da Deustuko Unibertsitatean eta Unibertsitate bereko Enpresa Zientzien Fakultatean, eta irakasle jardun du Deustuko Unibertsitatean eta Deustuko Business School-ean, Finantza Zuzenbidearekin lotutako hainbat masterretan. Bere lan bizitza luzean, beste hainbat arduren artean Eusko Jaurlaritzako sailburu eta lehendakariorde izan da, Administrazio Zentralaren eta Eusko Jaurlaritzaren arteko transferentzien Batzorde mistoko presidente, Euskal Finantza Kontseiluaren presidente, Eusko Jaurlaritzako Batzorde Ekonomikoko presidente eta Euskadiko Autonomia Erkidegoko Batzorde Arbitraleko kide. Era berean, BBVA taldeko zuzendari nagusi eta 1997tik 2002ra zuzendaritza batzordeko kide izan zen, eta urte horretatik 2009ko uztailera bitarte Uria Menendez enpresako bazkide nagusia izan zen. Gaur egun BBKren (Bilbao Bizkaia Kutxa) presidentea eta Kutxabank, S.A. sozietatearen presidente exekutiboa da. Merkataritza- eta finantza-gaiekin lotutako hainbat argitalpenen egilea da.

Fernández jauna Repsol YPF SA-ko kontseilari izendatu da, Akziodunen Batzar Nagusiak erabakita, 2011ko apirilaren 15ean.