Repsol YPF

Apalategia, boisseriea edota altzari lagungarri bat egitekotan bazara, igeltsu laminatuzko plakekin egitea aholkatzen dizugu, Pladurrezko® xafla gisa ezagutzen ditugunekin. Pladur® barneko trenkada-multzoetako marka erregistratua da, Grupo Uralita taldearena, Espainian, bere sektorean aitzindaria, mota guztietako eraikuntzetan instalatutako milioika metro karraturekin. Igeltsu laminatuzko xafletan oso eskaintza zabala du eta mota guztietako utilitateetarako proposamenak ditu, hala nola: trenkada bereizleak, sabai izunak, trasdosatuak, zoru flotagarriak eta altzariak eta dekorazioa.

Altzari bat material horrekin egiteko, aukerarik gomendagarriena Trillaje pladurra da, bi N Pladur® xaflez edota beste edozein markako trillaje panelez osatua, bereziki horretarako sortuak. Brikolajea atsegin baduzu eta gai horretan oinarrizko ezagutzak badituzu, igeltsu laminatuzko plakekin altzaria egitea zuretzat ez da batere zaila izango. Irakurri patxadaz fabrikatzaileen (Pdf) jarraibideak prozesua ondo ulertu eta barneratu arte eta jarraitu bertan adierazitako urratsak. 

Galdetu dendariari zure diseinuaren arabera zenbat trillaje panel beharko dituzun, baita lan hori egiteko beharko dituzun osagarriei eta profilei buruzko informazioa ere. Izan ere, xafla horiek profil batzuei lotuta doaz batera saltzen diren torlojuen bidez. Adierazi zure zalantzak espezialistari eta ikusiko duzu nolako erraza den, material garbia eta arina baita, kokatzen erraza eta mota guztietako formak (zuzenak, okerrak) sortzeko aukera ematen duena eta mota guztietako akaberak onartzen dituena. 

Produktuaren ezaugarriak 

Igeltsu laminatuzko xaflak igeltsuzko arimaz eta orri anitzeko bi zelulosez estalitako oinarri-plaka batean funtsatzen dira, konposatuari horma berri batek eduki ohi duen itxura leuna eta suabea ematen dioena. Obrako altzari batentzat primerako itxura. Horregatik, zure egongela obrako altzari klasiko batez dekoratu nahi baduzu, igeltsu laminatuz eraikitzea gomendatzen dizugu. Beste edozein materialekin baino errazago egingo duzu; ez duzu hondakinik (obrakorik nahiz bestelakorik) sortuko, ez eta zarata gogaikarririk aterako ere lanean ari zaren bitartean; ez duzu ezer zikinduko eta behin hormen kolore berdinarekin margotzen duzunean eta gelan integratuta geratzen denean, emaitza ona izango da. 

Panel horiek, proiektua burutu dezazun, apaingarriak, sagarrak, eta ateak jartzeko aukera ematen dute. Alabaina, beste zenbait materialek, esate baterako, DM zurak, baino erresistentzia txikiagoa dute, beraz, pisu handiko objektuak jartzeko asmoa baduzu, dendako espezialistari aipatzea izango da onena. Konposatu horiek nahiko erresistenteak dira eta erabilera arruntak arazorik gabe jasaten dituzte, baina ez dute zuraren, plastikozko geruzatuen edo dentsitate handiko formiken sendotasunik. 

Abantailen artean, honako hauek aipa daitezke: moldagarritasuna (milimetrora ebaki daitezke eta horrek edozein tokitan ezin hobeto akoplatzea errazten du); garbitasuna eta arintasuna; kokapen erraza; eta prezioa (antzeko proiektua beste materialekin eginda baino %15 merkeago ateratzen da). Proiektua gauzatzeko gai sentitzen ez bazara, denbora eta pazientzia eskatzen baititu, hobe duzu eskarmentuko profesional batengana jotzea; aldiz, “mainatsua” bazara saia zaitezela gomendatzen dizugu. 

Gaiarekin lotutako artikuluak:

- Irudi berria zure altzarientzat

- Bilakatu zure gela suite batean