Repsol YPF

Krisia, soldata txikiak, prezioen igoera eta abar. Horrelako errealitateekin, gutxi dira etxebizitza baten erosketan murgiltzen direnak. Edonor ez dago prest hogeita bost urterako zorpean geratzera, are gutxiago egoera zein den ikusita. Baina, hala eta guztiz ere, etxebizitza erosteko erabakia hartuta dutenentzat badago batere arrunta ez den aukera bat, erosle ausartaren patrikari hainbat zoriontasun eman diezaiokeena. Atzerriko monetan eginiko hipoteka da. 

Multidibisa-hipoteka oso hipoteka-mota berezia eta konplexua da, atzerriko monetan egiten baita. Horrek aukera ematen digu dagokien herrialde horietako merkatuetan une horretan dauden interes-tasa txikiak eta delako dibisaren kanbio-tasaren ahultasuna aprobetxatzeko. 

Hipoteka-mota horren berezitasun nagusia da atzerriko dibisen bilakaerara erreferentziatuta egongo dela, esaterako, honako monetetara: yen, franko suitzarra, libera esterlina, dolar estatubatuarra eta abarretara. Gainera, horren erreferentzia-indizea ez da euriborra izango, baizik eta, liborra (London InterBank Offered Rate) izango da; bankuen arteko transferentzia handietan nazioarteko merkatuan kontuan hartzen den indizea da eta horren egoeraren arabera fluktuatzen duena eta, gainera, maileguaren epearen eta kontratatutako monetaren menpe dagoena.

Praktikan, multidibisa-kreditua edo -mailegua dibisa egonkorrekin eta interes-tasa txikiekin egiten da. Gainera, gure herrialdeko dibisa berdinarekin erreferentziatutako zati bat kontratatzea gomendatzen da. Horrela, arriskuak moneten artean banatzen dira horietako batek kalteko mugimenduak edukiz gero.

Abantailak eta eragozpenak 

Aukera exotiko horren abantaila nagusienetako bat erosleak interes-tasa txikiagoa lor dezakeela da. Gainera, dibisaz aldatzeko aukera izango du nahi duenean, zorra bezeroari gehien interesatzen zaion dibisan (nahiz interes-tasagatik nahiz kotizazioagatik) finkatuz eta euroaren babesera eramateko aukera beti irekita utziz. Bi abantailak aprobetxatzean, gure hipotekaren hileko kuotaren %30 aurreztera iris zintezke.

Aldiz, hipoteka horiek badute arrisku nagusi bat, hau da, monetaren balioa handituko duten joera-aldaketak jasan ditzakete merkatuan eta, ondorioz, kopuru berdinagatik euro gehiago ordaindu beharko dituzte. Duten beste arrisku bat ekonomia horretako interes-tasak handitzen hasi daitezkeela da, eurozonan gertatu den moduan.

Aholkularitza on bat

Sorpresa desatseginak ekiditeko, adituek erabiltzaileei beren maileguak moneta bat baino gehiagori lotzeko gomendatzen diete arriskua guztien artean banatzeko. Gainera hamabost urtetik gorako epea duten hipotekak egitea gomendatzen da ziurgabetasuna murrizteko; eta, baita, hipotekez aholkatuko dituzten aholkulari batengana jotzea ere, aukera ona baita dibisen merkatuan ezagutzak dituzten eta aholkularitza on bat dutenen pertsonentzat.

Ideia ona litzateke ere, aukeratutako bankuarekin kontratua egin aurretik dibisa batetik besterako kanbio-komisioak beste sukurtsaletakoekin alderatzea; izan ere, banku batzuetan besteetan baino garestiagoak dira eta, horren kopuru handien kasuan, diru askoko aldea atera daiteke. 

Sorpresak ekiditeko, onena informazio alderatzaile zabala edukitzea da eta arlo horretan adituak direnen aholkularitza, horiek zehaztuko baitizkiote erosleari etxebizitzaren erosketa errentagarri bihurtzeko jarraitu beharreko jarraibideak; oraindik orain, asko dira horrekin amesten dutenak.  

Gaiarekin lotutako artikuluak:

- Hipotekak neurrira

- Etxebizitza-kontuak