Repsol YPF

Bioeraikuntzako Espainiako Elkartearen (AEB) arabera, arkitektura bioklimatikoaren gakoa eraikina arima duen eta arnasa hartzen duen izaki biziduntzat hartzea da; horregatik, eraikinaren plangintza izugarri zaintzen da, lursailaren hautaketatik hasi (eduki ditzakeen zehaztugabetasun geologikoak baloratzea, eraikuntzari eraginez amaituko baitute eta, ondorioz, bertako maizterrei) eta materialetara, egiturak, teilatuak, orientazioa, eraginkortasun energetikoa (Pdf) eta barne-ekipamendua barne, izan ere, eraikin barneko atmosferak giza osasunari eragiten dioten substantzia toxikoak eduki ditzake. Horrela, bioeraikuntzaren maximetako bat produktu ez-kutsatzaileak, biodegradagarriak eta birziklagarriak erabiltzea da, egite-prozesuan gutxiengo energia-kontsumoa eta ingurumen-gutxiengoak beharko dituena. 

Elementu horiekin guztiekin, bioeraikuntzan adituak diren arkitektoek kokatuak eta proiektatuak, etxebizitzek arnasa hartzen dute, giro osasungarria eta erosoa eskaintzen dute eta erabateko eraginkortasun energetikoa lortzen dute. Formula hormetan beirate handiak jartzea izango da eguzkiaren argia eta beroa aprobetxatzeko; leihoen orientazioa bultzatzea neguan harik eta bero gehien bildu dezaten eta, udan, errefusatu (horretarako, kasu askotan, zurezko kontraleihoak eta lihozko olanak jartzen dira aire girotuko ekipamenduak ekidin ahal izateko); gela funtzionalenak hegoalderantz kokatzea; teilatuak material isolatzaile naturalez edo landarezkoez estaltzea; harri, kortxo, kalamu, buztin erre, zementu natural, kare hidrauliko, zura (bai eraikuntzan bai altzarietan eta estalduretan ere) eta zeramika (estalduretarako eta hodietarako) aukeratzea; PVCa eta pintura toxikoak eliminatzea; eta hormigoiaren erabilera ahalik eta gehien murriztea. 

Bioeraikuntzako Espainiako Elkarteak arkitektura bioklimatikoari buruzko jardunaldiak antolatzen ditu erregularki Espainiako puntu desberdinetan. Jardunaldi horietan, jakintzagai desberdinetan adituak diren espezialistek hartzen dute parte eta horiek bioeraikuntzak eraikuntza iraunkorrerako ezinbesteko tresna gisa duen garrantziaz administrazioa jabetuarazteko beharra azpimarratzen dute behin eta berriz. Parte hartzaile askoren iritziz, etxebizitza bioklimatikoen kostua %15 gehiago izango da etxebizitza estandarrarekin alderatuz. Arlo horretan adituak diren beste batzuen ustez, berriz, etxe bioklimatikoak ez dira higiezin tradizionalak baino garestiagoak. Baina denak bat datoz horrelako eraikuntza luzera ekonomikoagoa dela esatean, eraginkortasun energetiko handia baitu, berokuntza-gastua murrizten duena eta hozkuntza eliminatzen duena. 

Pentsaera-aldaketa iraunkorra

Espezialistek egungo ingurumen-erronkei aurre egiteko pentsaera-aldaketa beharrezkoa dela azpimarratzen dute; iritzi berekoa da Joanna Franci, Chancillería Hoteleko (Jerez de la Frontera) zuzendaria; printzipio bioklimatikoetan oinarrituz proiektatuta dago hotela. Francis-ek herri indigena tradizionalen –haiek ingurumenean oso eragin txikia zuten– eta egungo gizartearen –berehalakoa eta suntsikorra den sistema ekonomiko batean oinarritua– arteko konparaketa egiten du. Bere hitzetan “iraunkortasunaren eta errentagarritasunaren arteko orekari eutsiko dioten soluzioak bilatzeko gai izan behar dugu”
 
Arkitektura bioklimatiko ikusgarrienean inspiratuta, Leaf House gunea, Rio de Janeiron (Brasil) nabarmentzen da; teilatua banana-hostoaren antzekoa delako deitzen zaio horrela eta diseinu horri esker, euri-ura biltzen da “Hosto Etxean” berrerabiltzeko. Mareines + Patalano estudio brasildarrak egindako proiektua da eta elkarrekin konektatuta eta kanpoaldera irekita dauden hainbat moduluz osatuta dago, aire naturalaren zirkulazioa eta aireztapena bultzatzen dutenak; beraz, ez daude aire girotuko inolako ekipamenduz hornituta. 

Lotura durten artikuluak:

- Isolatzaile termikorik onenak