Repsol YPF

Atzean geratu dira tomatea eta uhaza baino ez zireneko entsaladak, batzuetan tipuleta apur batekin. Azkenaldi honetan entsalada kontzeptua erabat aldatu da eta uhazaren eskaintzak berak ere aukera desberdinak eskaintzen ditu, tamaina aldetik zein kolore eta zapore aldetik.

Barietateetako bat haritz-hostozko uhaza da. Izenaren jatorriari dagokionean, uhaza horren hostoak berde koloretik bioleta eta gorriska koloretara doaz, eta haritzaren hostoak gogorarazten dituzte. Oinarri ezin hobea da entsaladetarako. Izan ere, hosto horiek, kurruskariak eta gozoak, oso kizkurrak dira eta era berean oso apaingarriak. Dadotan moztutako gazta-urdin, intxaur zehatu eta oliba-olioarekin konbina daiteke. Halaber, ehiza-plateretan goarniziotzat erabil daiteke; esaterako, kalonje eta perretxiko salteatuekin.

Eguzkiaren eragin handiaren ondorioz, udaberriko eta udako uhazek udazkeneko edo negukoek baino nutriente gehiago dute. Bestalde, komeni da tonalitate ilunagoak dituztenak aukeratzea, haritz-hostozkoak esaterako, nutritiboagoak baitira.

Hamaika konbinazio

Hosto-entsalada batean, nahi beste osagai gehitu daitezke, betiere kontuan izanda ehunduren arteko kontrastea ontzea bezain garrantzitsua dela. Aukerak anitzak dira: zatitutako txanpiñoi gordinak, limoiz zipriztinduak herdoildu ez daitezen, berdura txikiak, al dente egosiak zein gordinak, kutsu azidoa eta gozoa eskaintzen duten zitrikoak, urdaiazpiko iberikoa edo ahate-urdaiazpikoa, egositako eta zuritutako itsaskiak eta foie-xaflak.

Uhazen artean radiccio izeneko barietatea da. Uhaza mota horren hostoak more kolorea dute nerbadura zuriekin. Ehundura trinkoa eta kurruskaria da eta zapore nahiko mingotsa du, hori dela eta, gutxi bota behar da entsaladetan. Oliba-olio eta gatz apur batekin gordin jaten da, baita nahastuta ere. Eskarola bezalako uhaza motarekin eta tomatea, azenarioa, laranja edo arrautzarekin konbina daiteke. Halaber, ukitu desberdina eman diezaioke risotto edo pizza bati, labekatu edo salteatu baitaiteke.

Gaur egun merkatuan erraz aurki daitekeen beste osagaietako bat kalonjea da, kolore berde bizia duten hosto txikiak, 4 edo 6 adartxoetan biltzen direnak. Zapore delikatua dute, intxaurren antzekoa, zertxobait mina eta ehundura kurruskaria. Apaingarriak dira, platerei freskotasuna ematen die eta onduta zein tomate, txanpiñoi, intxaur eta hurrekin egindako entsaladetan erabil daitezke.

Kalonjeak entsalada batean gehitzean, komeni da justu zerbitzatu aurretik eta behin ondu ostean gehitzea freskotasuna ez galtzeko. Ozpina eta olioa bezalako kondimendu biziek eta beroak alferrik galtzen dituzte, izan ere, ehundura galdu eta kolorea ilundu egiten da.

Barazki eta frutekin konbinatuta

Osagai paregabeak berdura fresko, espinaka, azenario, txanpiñoi, tipula eta arto entsaladetarako, dena intxaur-ontze batez zipriztinduta. Halaber, ukitu desberdina eman daiteke esne-krema banilla apur batekin, limoi-zuku eta oliba-olioaz zipriztintzen bada, betiere ondo irabiatuta.

Beste modu bat prestatzeko ondokoa da: erretilu batean jarri eta gainean ahuakateak tiretan. Txiringolatan moztutako txanpiñoiak eta gazta parmesanoa xafla finetan gehitu. Ontzea prestatu, olioa, limoia, berakatz zehatua, gatza eta piperbeltzarekin eta justu entsalada zerbitzatu aurretik gehitu. Kalonjezko entsaladetan ontze hori gehitu nahi izanez gero, komeni da berakatza kentzea, zapore osoaz gozatzeko.

Gordinik kontsumitzen dira, endibia, apioa eta erremolatxekin. Fruitu lehor, erneak, laranja, sagar-berdea, pomeloa edo azenarioa, patata, ahuakatea eta txanpiñoiekin. Halaber, gozoak dira roquefort, ahuntz, feta edo brie gaztekin nahastuta. Beste aukera bat mahaspasa, arto, piñoi eta gazta onduarekin nahastea da, módenako olio eta ozpinarekin ondua.

Ez da ahaztu behar uhaza freskoa kontsumitzean ontze arinak erabiltzea komeni dela hosto samurrak dituztenetarako eta ontze trinkoagoak hosto haragitsu eta kizkurragoak dituztenetarako. Kalonjeen zapore delikatuak ontze arina eta gutxia eskatzen du, duen belar-gustu gozo eta freskoaz gozatzeko. Hostozko entsaladetarako ontze aparta ontze-frantziarra da: osagaiei ozpin-olioa, azukre edo ezti koilarakada bat eta koilarakada bat ziape gehituta.

Gaiarekin lotutako artikuluak

- Zuku naturalak, prestatu eta edan

- Udarako barazkiak