Repsol YPF

Da arraina oinarrizko elementu nagusi gisa duten errezeta gozoetan. Garaia aldatzen ari da, eta nazioarteko sukaldaritzaren ondorioz, arrainak gutxi eginda aurkezten da. Orain dela urte batzuk, pentsaezina zen hori gertatzea. Halere, portua duten Espainiako tokietan eta "sukaldaritza tradizional" gisa ezagutzen dena prestatzen duten tokietan, arraina artisau eran egiten dute, beraz, kanpoaldea karraskaria eta barnean oso mamitsua da. 
 
Galizian, legatz freskoa mahaian ezinbesteko elikagaia da, baita erreboila, zapoa, mihi arraina eta beste arrain zuri eta urdin ere. Baina, zalantzarik gabe, gastronomiako jaki izarra olagarroa Galiziako erara da. Olagarroa modu errazean egiten da. Oso haragi gogorra du, beraz, bigundu dain izoztea gomendatzen da. Egosi egiten da eta gatzarekin, piperrauts minarekin eta oliba olioarekin apailatzen da. Beste jaki garrantzitsu bat arrain caldeirada Galiziar erara da. Arrantzaleak itsasoan zeudenean prestatzen zuten errezeta tradizionala da. Oso errez egiten da eta edozein egosteko egokia den edozein arrain urdinekin edo zurirekin egin daiteke. Legatza, zapoa edota arraia bikainak dira.
 
Sorropotún San Vicenten
Geografikoki aurrera egiten badugu, Santanderren, Santoñan, Laredon, San Vicente de la Barqueran edota Castro Urdialesen gutizia ugari prestatzen dituzte, hala nola, legatza saltsa berdean, aingurak, bocarte-ak kazolan, bisigua labean edo baratxuriarekin, txibiak tipularekin, hurrengoak ahaztu gabe, hegaluzea, zapoa eta txirlak kazolan. Sardina erreak eta kabrarroka, labean edo plantxan, beste errezeta marinel batzuk dira, eta San Vicente de la Barquerako sorropotún delakoa da ospetsuena, hegaluzeaz eta patatez egindako jakia.
 
Arraina (bakailaoa bereziki) eta itsaski freskoak dira Kataluniako oinarrizko produktuak. Gastronomian, parrilladak, txirlak marinel erara, bacallá a la llauna (apailatutako bakailaoa latorrizko ontzian) eta zarzuela meroarekin, zapoarekin, otarrainxkekin edo ganbekin, txibiekin eta muskuiluekin egindako jakia; otarrainxkak beharrean otarraina badu, opera izena du. Suquet de peix izenekoa ere dastatzeko modukoa da. Hainbat arrainekin egiten da, normalean, zapoarekin eta meroarekin, eta zigalak edo otarraina gehitzen zaio, tomatearekin eta tipularekin frijitzen da eta piperbeltzarekin apailazen da.
 
Albuferako kostaldean, all-i-pebre danguiles jakia dastatu daiteke. Baratxuriarekin, piper beltzarekin eta aingurekin egindako erregosia da; izan ere, arrain guztien artean, ur gezakoak edo gazikoak, Valentzian preziatuena itsasoko suge hori da. Haibat eratan prestatzen dute, adibidez, aingirak berakatz eta almendra saltsan, eskualdeko beste jaki tipiko bat. Gainera, eta katalanek bezala, Valentziako gastronomian suc de peix-a ageri da, su motelean buztinezko ontzian prestatzen dena. Bestalde, Benidorm-en, lemorratz arrain urdinarekin prestatutako pebrot-a jaten dute. Piperrekin, baratxuriekin eta erramuarekin frijitzen dute. 
 
Bi itsasoen artean
Ozeano Atlantikoak eta Mediterraneo itsasoak topa egiten duten tokian, Andaluzian, arrainez egindako errezeta udari daude, hala nola, atun gorria, arrainen artean nazioartean balorazio altuena duen arraina. Legatzak, mihi arrainak, antxoak, lupiak, barbarinak, sardinak eta itsaskiak, guztiak frijituta, plantxan, gatzetan erreta, labean, egosita edo erregosita jan daitezke. Andaluziako sukaldaritza, batez ere, frijitutako arrainagatik da ezaguna; izan ere kostalde luzea du eta olioaren ekoizpena handia da. Malan sardinen espetones (kainan erreta), zapo zopa edo urdailaztatutako atuna Malagako erara dira ospetsuak. Cadizen errezeta marinelak, Sanlúcar de Barramedako itsaski bikainak eta txibiak tintan nabarmentzen dira. Huelvako arrain errezeten artean, sardinak piperrautsarekin, atuna tomatearekin, txibiak babekin, txelba tipularekin, ezpata arraina horia, arraia piperrautsarekin eta txirlak arrozarekin dira garrantzitsuenak.