Repsol YPF

Organismorako onuragarriak diren aukera anitzen artean, zuku naturalak eta etxean egindakoak bitamina eta mineral iturri garrantzitsuak dira, beharrezkoak osasuntsu mantentzeko. Enbasatuen aldean (kontzentratuak edo ez), horien abantaila merkataritza-establezimenduetan eros daitezkeela da, erabat freskoak eta gehigarri eta kontserbatzailerik ez baitute.

Alde batetik, C bitamina ugari dute, batez ere zitrikoez prestatutakoek (laranja-zuku egin berri batek 50 eta 60 mg C bitamina eskaintzen ditu 100 gramoko). Bestalde, potasio, kaltzio, fosforo eta magnesio mineralak ditu. Halaber, burdina, kobre, zink eta manganeso kopuru txikiak. 

Fruta erostean ahalik eta freskoen dagoela egiaztatu behar da, aspaldi bildutako frutek bitamina asko galduta izango baitituzte. Dietaren osagarritzat zukuak hartzeak gainontzeko elikagaiak asimilatzen lagunduko dizu, entzima ugari baitute, elikagaien eraldaketa eta prozesu metabolikoan laguntzen dutenak. Hala ere, kontuan izan behar da entzima horiek egoste-beroarekin deuseztu egiten direla. Beraz, ezinbestekoa da, zukutzat hartzean, gordinik zukutzea.

Berehala edan

Soluziorik arruntena edan baino lehenxeago prestatzea da eta, behin prestatuta, berehala edatea nutrizio-edukia ez galtzeko. Ez da komeni luzaroan gordetzea argia, tenperatura edo oxigenoa bezalako eragile fisiko-kimikoekiko sentsibilitate handia baitute eta, mineralekin gertatzen den bezala, herdoildu egiten dira airearekin kontaktuan direnean. Erabilezin gera daitezkeen bitaminen artean, azido folikoa, C bitamina, E eta B6 bitamina daude. 20 minutu eta ordu erdi artean, nahiz eta zukuak zaporea mantendu, bitaminak ez dira galtzen. 

Piezak ondo garbitzeaz gain, kontuan hartu beharreko beste kontu bat ondokoa da: fruta fruta-makinan zukua egiteko zurituko baduzu, ez da komeni oso aurretiaz zuritzea, pulparen airearekiko kontaktuak ere bitaminak deusezten baititu.

Biltegiratzeko epeak ere eragin negatiboa du zukuen ezaugarrietan, prestatu eta edan denetik denbora luzea iragan bada. Zentzu horretan, ez da gomendagarria prestatutako zukua hozkailuan gordetzea hurrengo egunean edateko. 

Herdoilketa prozesu hori atzera daiteke jada prestatutako zukuari limoi-zuku tanta batzuk gehituta. Bada edaria hozkailuan gordetzea aukeratzen duenik, baina ez ahaztu, edonola ere, zukuaren degenerazio prozesua ez dela gelditzen. Zukuaren nutrienteak gordetzeko truku bat izoztatzea da eta horrela “polo” goxoak prestatzea, egokiak udarako.

Hala ere, neguan arazoa ondokoa da: goizean fruta zukutzean, fruta gau osoan leku fresko batean egon izana eta, edaria prestatzean, hotzegi geratzea. Soluzio bat, laranjen kasuan, segundo batzuetan mikrouhinean sartzea da. Horrela, fruta piezak epeldu egiten dira eta zukua ez da hain hotz egongo. 

Noiz hartu

Goizean goiz, gosaldu baino ordu erdi lehenago, zuku eder batek energia eman, freskatu eta urdaila garbitzen du. Eguerdian, sasoian mantentzeko hartzea duzu eta kafeak edo teak dituzten kitzikagarriak jarkitzeko balio du.

Komenigarriena otordu artean egindako zuku egin berriak eta urdail hutsarekin edatea da. Komeni da jan baino ordu erdi lehenago hartzea, bitaminak hobeto xurgatzeaz gain, aperitibo hipokalorikoa baita, oso komenigarria alkohola edo gasdun edaririk edan nahi ez baduzu. Zuku batzuek propietate erlaxatzileak dituzte eta behar bezalako atsedena hartzen laguntzen dute.

Gaiarekin lotutako artikuluak

- Fruta, otorduak baino lehen ala ostean?

- Ongi bitaminatutako dieta